دارەتحانادا جارتى ساعات وتىرعان قىتايلىقتىڭ تىك ىشەگى ءتۇسىپ قالدى

 استانا.قازاقپارات - دارەتحانادا جارتى ساعات ويىن ويناعان سوڭ قىتاي تۇرعىنىنا اۋرۋحاناعا بارۋعا تۋرا كەلەدى، دەپ حابارلايدى lenta.ru باسىلىمى.

وقيعا گۋاڭدۋڭ پروۆينتسياسىنىڭ چجۋنشان قالاسىندا بولادى. ەر ادام ۋنيتازعا جارتى ساعات وتىرعاننان كەيىن ىشىنەن «ۇيىپ قالعان» بىردەڭە شىققانىن بايقايدى دا اۋرۋحاناعا كەلەدى. ول دارىگەرلەرگە تەلەفونمەن ويىن ويناعانىن ايتتى. ال، ماماندار وعان تىك ىشەگىنىڭ ءتۇسىپ قالعانىن مالىمدەدى.

ەر ادامدى ەمدەپ جاتقان دارىگەر ونىڭ بىرنەشە جىلدان بەرى اۋىرىپ جۇرگەنىن جەتكىزدى. جىگىت ۋاقتىلى ەمدەلمەگەن سوڭ، اۋرۋى اسقىنىپ كەتكەن. قازىر ونىڭ جاعدايى جاقسى.

مامانداردىڭ ايتۋىنشا، تىك ىشەك ۋنيتازدا ۇزاق وتىرعاننان ءتۇسىپ قالۋى مۇمكىن.

BAQ. KZ