10:35, 12 - اقپان 2018 | GMT +5
پاۆلوداردا قۇيرىق مايعا جاسىرىپ تۇرمەگە تەلەفون وتكىزبەك بولعان
استانا. قازاقپارات - پاۆلوداردا تەرگەۋ وقشاۋلاعىشىندا وتىرعان ادامعا قويدىڭ قۇيرىعىنا جاسىرىپ ۇيالى تەلەفون جەتكىزبەك بولعان، دەپ حابارلايدى «قازاقپارات» ءى ءى م ق ا ج كوميتەتىنە سىلتەمە جاساپ.
«قاماۋداعى ادامداردىڭ بىرىنە جىبەرىلگەن سالەمدەمەنى تەكسەرۋ بارىسىندا پىسىرىلگەن قويدىڭ قۇيرىق مايىنىڭ اراسىنان قۋاتتاندىرعىشىمەن بىرگە ۇيالى تەلەفون شىقتى»، - دەپ حابارلايدى ۆەدومستۆو.
پاۆلودارداعى تەرگەۋ وقشاۋلاعىشىنىڭ قىزمەتكەرلەرى كەلەسى كۇنى قوراپتاعى ءشايدىڭ ىشىنەن سەلوفان وراما تاۋىپ الدى. سوت-مەديتسينالىق ساراپتاما تابىلعان زاتتىڭ سالماعى 40 گرامنان اساتىن ماريحۋانا ەكەندىگىن ناقتىلادى.
الماتى وبلىسىنداعى زارەچنىي كەنتىندە ورنالاسقان كولونيانىڭ اۋماعىنا بەلگىسىز ادام تۇيىنشەك زات لاقتىرىپ كەتكەن. بۇل سكوتچپەن ورالعان 4 ۇيالى تەلەفون بولىپ شىقتى.
