07:47, 12 - اقپان 2018 | GMT +5
اتىراۋدا جاستاردى ومىرلىك داعدىلارعا ۇيرەتىپ جاتىر
اتىراۋ. قازاقپارات - اتىراۋدا 400-گە جۋىق جاستار «تابىسقا جەتۋ پاسپورتى» ومىرلىك داعدىلارعا ۇيرەتۋ باعدارلاماسىنان ءوتتى، دەپ حابارلايدى «قازاقپارات» ح ا ا ءتىلشىسى.
«اتىراۋدا تەگىن ءبىلىم بەرۋ باعدارلاماسى قازاقستان بويىنشا حالىقارالىق جاستار قورىنىڭ «زاڭعار» جوباسى اياسىندا وبلىس اكىمدىگى مەن مۇناي كومپانيالارىنىڭ بىرىمەن بىرلەسىپ جۇزەگە اسىرىلۋدا. جوبا اتىراۋداعى 21 ءبىلىم بەرۋ مەكەمەسىن قامتيدى. باعدارلاماعا مەكتەپ، كوللەدج جانە جوعارى وقۋ ورىندارىنىڭ ءبىلىم الۋشىلارى قاتىسا الادى»، - دەدى حالىقارالىق جاستار قورىنىڭ اتىراۋداعى وكىلدىگىنىڭ ديرەكتورى اسەم ساتمۇحامبەتوۆا.
ونىڭ ايتۋىنشا، «تابىسقا جەتۋ پاسپورتىنا» ومىرلىك داعدىلار بويىنشا 55 ساباق ەنگەن. ونىڭ ىشىندە كۇيزەلىسپەن كۇرەس، ينتەللەكتۋالدىق جانە فيزيكالىق تۇرعىدان ءوز-ءوزىن دامىتۋ بار.
بولاشاقتا بۇل باعدارلاماعا قارجىلىق ساۋاتتىلىق بويىنشا 10 ساباق قوسۋ جوسپارلانۋدا.
