سينوپتيكتەر قازاقستان قالالارىنداعى اۋا ساپاسى تۋرالى ايتتى

استانا. قازاقپارات - 8 -اقپانداعى مەتەورولوگيالىق جاعدايلار ەلىمىزدىڭ 13 قالاسىنىڭ اتموسفەراسىندا لاستاۋشى زاتتاردىڭ جينالۋىنا ىقپال ەتەدى، دەپ حابارلايدى «قازاقپارات» ح ا ا «قازگيدرومەت» ر م ك- عا سىلتەمە جاساپ.

سينوپتيكتەردىڭ بولجامىنشا، قولايسىز مەتەوجاعدايلار اقتوبە، الماتى، استانا، قاراعاندى، قوستاناي، كوكشەتاۋ، پاۆلودار، پەتروپاۆل، تالدىقورعان، تاراز، ورال، وسكەمەن، شىمكەنت قالالارىندا اۋادا لاستاۋشى زاتتاردىڭ شوعىرلانۋىنا ىقپال ەتەتىن بولادى.

اۋانىڭ لاستانۋىنا بولجام جاساۋدا اتموسفەراداعى زياندى (لاستاۋشى) زاتتاردىڭ جينالۋىنا ىقپال ەتەتىن مەتەورولوگيالىق فاكتورلار، اتاپ ايتقاندا، جەلسىز اۋا، باياۋ جەل، تۇمان، ينۆەرسيا ەسكەرىلەدى.