جارىق دەنساۋلىققا قالاي اسەر ەتەدى؟
ول سىرتقى فاكتورلار اسەرىنەن وزگەرەتىن قانداعى گورموندار كىناسىنەن بولادى. جارىق كۇن ۋاقىتىندا اعزا قورەكتەندىرگىش زاتتاردى وڭدەۋمەن جانە ەنەرگيا شىعارۋمەن بولادى. ال تۇندە قورەكتەندىرگىش زاتتار جينالادى، قالپىنا كەلەدى جانە جاسۋشالار «تۇزىلەدى» . بىزگە كۇن مەن ءتۇننىڭ ءبىر- بىرىنەن قاتتى ايىرماشىلىعى جوق قىس مەزگىلى قالاي اسەر ەتەدى؟
1. قاراڭعىلىق تابيعي ۇيىقتاتاتىن قۇرال رەتىندە اسەر ەتەدى. قىستا ءبىز بوساڭسىپ، ءجيى ۇيقىمىز كەلەدى. جازدا تەرەزەدەن كۇن شىعىپ تۇرعاندا ۇيقىدان تۇرۋ قانداي جەڭىل ەكەنىن ەسىڭىزگە ءتۇسىرىڭىز. كوز جۇمىق كەزدىڭ وزىندە سەزىلەتىن تاڭعى جارىق كوز تورىنداعى جارىققابىلداعىشتاردى بەلسەندى قىلادى. ولاردىڭ اراسىندا ەرەكشە جارىق سەزگىش تۇيىندىك جاسۋشالارى بار. سولار اعزاعا ءبىزدى ۇيقىدان تۇرعىزىپ، ءوزىمىزدى قۋاتتى سەزىندىرەتىن نەيروحيميالىق تىزبەك جىبەرەدى. قىستا تاڭەرتەڭ «جارىق وياتقىشىنسىز» تۇرۋعا ءماجبۇر بولعاندىقتان، اعزا جۇمىس رەجيمىنە اۋىسىپ كەتە المايدى.
2. دەپرەسسياعا ءتۇسۋ. كۇننىڭ جەتىسپەۋى ەندوكريندى جۇيەنىڭ سەروتونيندى (قۋانىش گورمونىن) وڭدەۋىن توقتاتادى. سونىڭ سەبەبىنەن كوڭىل كۇيىمىز تۇسە باستايدى. ادامدار قىستا ادەتتەگىدەن اشۋلانشاق بولا تۇسەدى. ءاردايىم قاراڭعىلىق رەجيمدى بۇزىپ، ناشار ۇيىقتاۋعا اكەلەدى.
3. فيزيكالىق بەلسەندىلىك قىسقارادى. كەشكى بەستەرگە تامان مي پايدا بولعان قاراڭعىلىقتى «ۇيىقتاۋ كەرەك» بەلگىسى رەتىندە قابىلدايدى. سودان سوڭ ۇيقى گورمونى مەلاتونيندى وڭدەۋگە بەلگى بەرەدى. سولاي اپتادان اپتاعا، ايدان ايعا جالعاسا بەرەدى. ءبىراق عالىمدار ەنجارلىققا سالىنباي، اعزاعا كۇن جەتىسپەۋشىلىگىن تولتىرۋعا كومەكتەسەتىن قاراپايىم ەرەجەلەردى ۇستانۋعا شاقىرادى. رەجيمدى دۇرىستاۋ ءبىر ۋاقىتتا تۇرىپ جانە ءبىر ۋاقىتتا ۇيىقتاپ ۇيرەنىڭىز. ول ءوزىڭىزدى قۋاتتىراق سەزىنۋگە ۇيرەتەدى. ودان دا جايلى تۇرۋى ءۇشىن ارنايى جارىق سيمۋلياتورى بار وياتقىشتار ويلاپ تابىلعان. ولار ءبىر ساعات بويىنا جارىقتى كۇن ساۋلەسىنە ۇقساتىپ ءبىرقالىپتى كوتەرەدى جانە ويانۋعا كومەكتەسەدى. مۇنداي قۇرالداردى ينتەرنەت- دۇكەندەردەن الۋعا بولادى. كوبىرەك سەرۋەندەۋ بۇلتتى اۋا- رايىنىڭ وزىندە دالادا ءۇي- جايعا قاراعاندا كۇن جارىعى كوبىرەك بولادى. D دارۋمەنىنىڭ جەتىسپەۋشىلىگىن تولتىرۋ تۇرلىشە تاماقتاناتىن، ۋاقىتىلى جانە ۇزاق سەرۋەندەيتىن ادامعا بۇل دارۋمەن جەتىسپەيدى دەپ ايتا المايمىز. ەگەر ۇيدە كورپە استىندا جاتا بەرگىڭىز كەلە بەرسە، D دارۋمەنىنىڭ جەتىسپەۋشىلىگىن بايقاساڭىز، ونى قوسىمشا ءدارىحانادان الىپ قولدانساڭىز بولادى. ءبىراق ونى تاعامنان دا الۋعا بولاتىندىعىن جازعانبىز. سپورتپەن اينالىسۋ سەروتونين گورمونىن شىنىعۋ ارقىلى الۋعا بولادى. سوندىقتان ەرىنبەي، سپورتپەن اينالىسساڭىز، كوڭىل كۇيىڭىز جاقسى بولادى جانە دەنە كەلبەتىڭىز دە قالپىنا كەلەدى.
Massaget.kz
