قازاقستان وزبەكستان ارمياسى ءۇشىن تۇندە كورۋ قۇرالدارىن جەتكىزدى
اتاپ وتىلگەندەي، قازاقستاندىق ونىمدەر وزبەكستان اسكەرىنە 2017 -جىلدىڭ سوڭىندا جەتكىزىلگەن. الايدا، شەتەلدىك سەرىكتەستەر ەكسپورتتىق ءونىمنىڭ جەلىسىن ارتتىرۋعا قايتا قىزىعۋشىلىق بىلدىرگەن.
«زاۋىت ءوزىنىڭ ەلەكتروندى- وپتيكالىق ءونىمىن 2017 -جىلدىڭ قىركۇيەك ايىندا تاشكەنتتە وتكەن «وزبەكستان- قازاقستان» ىقپالداستىقتىڭ جاڭا كەزەڭى» ونەركاسىپتىك جارمەڭكەسىندە تانىستىرعان بولاتىن. كەيىن وزبەكستاندىق تاراپ قىزىعۋشىلىق تانىتىپ، ەكىجاقتى كەلىسىم ازىرلەندى. تۇندە كورۋگە ارنالعان قازاقستاندىق قۇرالدار ءتيىستى سىناقتاردان ءساتتى ءوتتى. اتاپ ءوتۋ كەرەك، قازىرگى ۋاقىتتا وزبەكستاندىق سەرىكتەستەر ەكسپورتتىق ءونىمنىڭ جەلىسىن ارتتىرۋعا قىزىعۋشىلىق ءبىلدىرىپ وتىر»، - دەپ اتاپ ءوتتى كومپانيادان.
«قازاقستان ينجينيرينگ» ۇلتتىق كومپانياسى» ا ق- نىڭ قۇرامىنا ەنەتىن «كاە» ج ش س تۇندە كورۋگە ارنالعان قۇرالداردى، تەپلوۆيزيالىق دالدەۋىشتەردى، ەلەكتروندى تاقتالار مەن وپتيكالىق لينزالاردى شىعارۋمەن اينالىسادى.
كاسىپورىننىڭ ونىمدەرى بۇگىنگى كۇنى قازاقستان اسكەرىندە كەڭىنەن پايدالانىلىپ، شەتەلگە ەكسپورتتالادى.
