ءبىر شولمەك ىشىمدىكتىڭ راكتى قوزدىرۋى مۇمكىن ەكەنىن بىلەسىز بە
بۇل رەتتە حالىقارالىق دەنساۋلىقتى ساقتاۋ ۇيىمى ءسپيرتتى ىشىمدىكتىڭ قانداي ونكولوگيالىق اۋرۋلاردى قوزدىراتىنىن اتاپ كورسەتتى، دەپ حابارلايدى Stan.kz.
ىشىمدىك راكتىڭ كەم دەگەندە جەتى ءتۇرىن قوزدىرادى
الكوگولدىڭ راكتىڭ كەم دەگەندە جەتى ءتۇرىن قوزدىراتىنى انىقتالدى. ونىڭ ىشىندە: ىشەك وبىرى (توق ىشەك پەن تىك ىشەك؛ ءسۇت بەزى، وڭەش، كومەي، باۋىر، اۋىز قۋىسى جانە تاماق وبىرى بار.
ەتانول - الكوگولدى ىشىمدىكتىڭ قۇرامىنداعى ەڭ باستى كانسەروگەندى زات بولىپ تابىلادى. ول ءسپيرتتى ىشىمدىكتەردىڭ بارلىعىندا دەرلىك كەزدەسەدى. ەتانولدىڭ كەسىرىنەن جاسۋشالاردىڭ زاقىمدانۋى ونىڭ قاتەرلى بۇزىلۋىنا اكەپ سوقتىرادى. بۇدان وزگە، ەتانول ايەلدىڭ گورموندارىنا كەرى اسەرىن تيگىزەدى. ول جاسۋشالىق پروليفەراتسيانى قوزدىرىپ، ءسۇت بەزى وبىرىنىڭ دامۋىنا سەپ بولادى. ىشىمدىكتەن بولەك، ايەل شىلىم شەگەتىن بولسا، تىندەردىڭ بۇزىلۋ قاۋپى ەسەلەپ ارتادى، اقىرىندا راك دامۋىنىڭ ءقاۋپى جوعارىلايدى.
ىشىمدىك ءىشۋدى ازايتۋ ارقىلى وبىر دەرتىمەن اۋىرۋ قاۋپى تومەندەيدى
الكوگولدى ىشىمدىكتى نەعۇرلىم كوپ تۇتىنساڭىز، راكقا دۋشار بولۋ قاۋپى سوعۇرلىم جوعارىلاي تۇسپەك. ماسەلەن، ايەل كۇنىنە 4 بوكال شاراپ ىشەتىن بولسا، ءسۇت بەزى وبىرىنا شالدىعۋ قاۋپى%50 عا، ال 8 بوكال ىشسە %130 عا ارتادى. وبىر دەرتىن الدىن الۋ ءۇشىن الكوگولدى تۇتىنۋدىڭ ەڭ تومەنگى مولشەرى جوق. بۇل دەگەنىڭىز، ءتىپتى از مولشەردەگى ىشىمدىك وبىر دەرتىنە شالدىقتىرۋى مۇمكىن.
ساياسي ءتاسىل ارقىلى ىشىمدىكتەن كەلەتىن زالالدى ازايتۋ
الكوگولدى ىشىمدىكتەن كەلەتىن زالالدى ازايتۋ ءۇشىن ءبىرقاتار ساياسي شەشىمدەر مەن تاسىلدەردى قولدانۋعا بولادى. 2012-2020 -جىلدارعا ارنالعان ەۋروپالىق جوسپاردا مەملەكەت تاراپىنان جاسالاتىن بىرنەشە ءتاسىل كورسەتىلگەن.
سونىمەن ەڭ ءتيىمدى دەگەن ءۇش ادىسكە:
1. سالىق ارقىلى ىشىمدىكتىڭ باعاسىن ارتتىرۋ؛
2. الكوگولدى ىشىمدىككە دەگەن قولجەتىمدىلىكتى شەكتەۋ:
3. ىشىمدىكتىڭ جارناماسىنا توسقاۋىل قويۋ؛
