اۋە رەيسىنىڭ ۋاقىتى كەشىكتىرىلگەندە نەمەسە وزگەرگەندە تاسىمالداۋشىدان نەنى تالاپ ەتۋ كەرەك
تاسىمالداۋشىنىڭ كىناسىنەن رەيس كەيىنگە قالدىرىلعاندا نەمەسە كەشىككەندە، اۋە كەمەسىنىڭ كەش كەلۋىنە بايلانىستى رەيس كەيىنگە قالدىرىلعاندا نەمەسە كەشىككەندە، باعدار وزگەرگەندە تاسىمالداۋشى جولاۋشىلارعا ۇشۋ پۋنكتى مەن ارالىق پۋنكتتەردە ءبىرقاتار قىزمەتتەر كورسەتۋى ءتيىس.
اتاپ ايتقاندا، تاسىمالداۋشى:
- 7 جاسقا دەيىن بالاسى بار جولاۋشىلارعا انا مەن بالا بولمەسىن (بولعان جاعدايدا) ۇسىنۋعا؛
- 2 رەت تەلەفون قوڭىراۋىن شالۋىن، ونىڭ ىشىندە حالىقارالىق بايلانىس جەلىسى ارقىلى دا 5 مينۋتتان اسپايتىن ۋاقىتقا نەمەسە 2 ساعاتتان استام رەيستىڭ ۇشۋىن كۇتكەن جاعدايدا ەلەكتروندى پوشتامەن 2 حابارلاما جىبەرۋىن قامتاماسىز ەتۋگە؛
- رەيستىڭ ۇشۋىن 2 ساعاتتان استام كۇتكەن جاعدايدا سۋسىنمەن قامتاماسىز ەتۋگە؛
- رەيستىڭ ۇشۋىن 4 ساعاتتان استام كۇتكەن كەزدە، ودان ارى كۇندىزگى ۋاقىتتا ءاربىر 6 ساعات سايىن، تۇندە ءاربىر 8 ساعات سايىن ىستىق تاماقپەن قامتاماسىز ەتۋگە؛
- رەيستىڭ ۇشۋىن كۇندىزگى ۋاقىتتا 8 ساعاتتان استام ال تۇنگى ۋاقىتتا 6 ساعاتتان استام ۋاقىت كۇتكەن كەزدە قوناق ۇيگە ورنالاستىرۋعا؛
- قوناق ءۇي اقىسىز نەگىزدە ۇسىنىلعان كەزدە اۋەجايدان قوناق ۇيگە دەيىن جانە كەرى باعىتتا كولىكپەن قامتاماسىز ەتۋگە مىندەتتى.
تاسىمالداۋشىنىڭ كىناسىنەن رەيس 10 ساعاتتان استام ۋاقىتقا كەشىكتىرىلگەندە نەمەسە وزگەرگەندە تاسىمالداۋشى جولاۋشىلاردىڭ تاڭداۋى بويىنشا:
- جولاۋشىنى بيلەتىندە كورسەتىلگەن دىتتەگەن جەرىنە وسى ماقالانىڭ 1 تارماعىندا كورسەتىلگەن قىزمەتتەردى ۇسىنا وتىرىپ جاقىن ارالىقتاعى رەيسپەن تاسىمالداۋدى جۇزەگە اسىرۋعا؛
- جولاۋشىعا بيلەتتىڭ تولىق قۇنىن وتەۋگە مىندەتتى.
رەيس كەشىكتىرىلگەندە، كەيىنگە شەگەرىلگەندە جولاۋشىلارعا اتالعان قىزمەتتەر بويىنشا مىندەتتەرىن ورىنداماعان نەمەسە ءتيىستى دەڭگەيدە ورىنداماعان تاسىمالداۋشى قازاقستاننىڭ «اكىمشىلىك قۇقىق بۇزۋشىلىقتار تۋرالى» كودەكسىنىڭ 567-بابىنا سايكەس اكىمشىلىك جاۋاپكەرشىلىككە تارتىلىپ، 200 ا ە ك كولەمىندە ايىپپۇل سالىنادى. ءبىر جىلدىڭ ىشىندە تاسىمالداۋشى مۇنداي بۇزۋشىلىقتى تاعى قايتالايتىن بولسا، ايىپپۇل كولەمى 1000 ا ە ك- كە جەتەتىن بولادى.
ايت كەتەيىك، 1 ا ە ك - 2405 تەڭگەنى قۇرايدى.
اۆتور: مارلان جيەمباي
