بالانى مەكتەپكە ماشينەمەن اپارۋدىڭ زيانى انىقتالدى
شۆەتسياداعى كارلستاد ۋنيۆەرسيتەتىنىڭ مامانى دجەسسيكا ۆەستماننىڭ ايتۋىنشا، بالانى مەكتەپكە كولىكپەن اپارۋ ونىڭ پسيحيكاسىنا، وسۋىنە كەرى ىقپال ەتەدى.
نەمىس پسيحولوگى كلاۋس زايفريد بالالاردى كىشكەنتايىنان وزدىگىنەن ارەكەت ەتۋگە ۇيرەتۋ كەرەكتىگىن جەتكىزدى.
«ولار كىشكەنتاي كەزىنەن كوشەدە قالاي ءجۇرۋدى مەڭگەرۋ كەرەك» ، - دەيدى ول.
مامانداردىڭ ايتۋىنشا، ەڭ دۇرىسى - مەكتەپ وقۋشىلارى باستاۋىش سىنىپتان باستاپ ساباققا جاياۋ، ۆەلوسيپەدپەن نە بولماسا قۇرداستارىمەن بىرگە قوعامدىق كولىكپەن بارۋ كەرەك. بۇل - قاۋىپسىز، جانە دوستاردىڭ ايتاتىن اڭگىمەسى تابىلادى. سونىمەن قاتار، بالا ەرتە ەسەيەدى.
سونداي- اق بالا مەكتەپكە ءوزى جەتكەنشە جولدا ۇيقىسىن اشادى، ءبىرىنشى ساباقتا قالعىپ وتىرمايدى. ونىڭ ۇستىنە كىم ەرتە تۇرسا، سول ساباقتى جاقسى مەڭگەرەدى.
گاننوۆەر قالاسىنداعى مەكتەپتەردىڭ بىرىندە «اتا- انالار تاكسيىنەن» قۇتىلۋدىڭ جولىن ويلاپ تاپتى. مەكتەپتەن 350 مەتر قاشىقتىقتا مۇعالىمدەر جولدى جاۋىپ تاستايدى. وندا مەكتەپكە كولىكپەن كەلگەندەردى ۇستازدار «اتا- انا تاكسيى» سولعا، بالالار وڭعا» دەگەن جازبالارمەن قارسى الادى.
Baq.kz
