استانادا قىتاي ارتىستەرى ونەر كورسەتتى
مۋزىكالىق كەشتى ق ر مادەنيەت جانە سپورت مينيسترلىگىنىڭ وكىلدەرى، قازاقستانداعى قىتاي حالىق رەسپۋبليكاسىنىڭ توتەنشە جانە وكىلەتتى ەلشىسى چجان حانحۋەي، قالا تۇرعىندارى تاماشالادى.
كونسەرت باستالار الدىندا ءسوز العان ق ح ر ەلشىسى قوناقتاردى قىتايدىڭ كوكتەم مەرەكەسىمەن (قىتاي جاڭا جىلى - اۆت.) قۇتتىقتاپ، وسى شارانى ۇيىمداستىرۋعا مۇرىندىق بولعان ق ر مادەنيەت جانە سپورت ءمينيسترى مەن استانا قالاسىنىڭ اكىمدىگىنە العىسىن ءبىلدىردى.
«ەكى ەل باسشىلارى نۇرسۇلتان نازاربايەۆ پەن چي جينپيڭنىڭ باستاماسىمەن مەملەكەتارالىق قارىم-قاتىناس نىعايا ءتۇستى.
«ءبىر بەلدەۋ - ءبىر جول» جوباسى جانە مادەني سالاداعى ىنتىماقتاستىق قازاق-قىتاي ستراتەگيالىق ارىپتەستىكتىڭ دامۋىنا وڭ سەرپىن بەردى، - دەدى چجان حانحۋەي.
ءوز كەزەگىندە، ق ر م س م مادەنيەت جانە ونەر ىستەرى دەپارتامەنتى ديرەكتورىنىڭ ورىنباسارى ءابىل جولامانوۆ مينيسترلىك اتىنان ارنايى قۇتتىقتاۋدى وقىپ بەردى.
«بۇل مەرەكە قازاقستان جانە الەمنىڭ باسقادا كوپتەگەن ەلدەرىندە كەڭىنەن تويلانادى. مۇنداي مادەني شارالار حالىقتار اراسىنداعى ءوزارا تۇسىنىستىكتى ودان ءارى نىعايتپاق»، - دەدى ءابىل جولامانوۆ.
ايتا كەتەيىك، بۇل قىتاي ۇلتتىق وپەرا، ءبي جانە دراما تەاترىنىڭ قازاقستانعا العاشقى گوسترولدىك ساپارى. تەاتر قىتايداعى كوپ جىلدىق تاريحى بار ءىرى ونەر ورداسى بولىپ تابىلادى. ونەر ۇجىمى ا ق ش پەن ەۋروپانىڭ كوپتەگەن ەلدەرىنىڭ جوعارى باعاسىن العان.
اۆتور: مۇحتار قاليموللا ۇلى
