ەسەيمەگەن ەرەسەكتەر

 استانا. قازاقپارات - جاسىڭىز جيىرماعان كەلگەن ساتتە بولاشاعىمىز ءالى الدا، جاسپىز، بارىنە ۇلگەرەمىز دەگەن وي سانامىزدى بيلەپ الادى. ءبىراق، بۇل ويدىڭ جەتەگىنە ەرگەن ادام ومىردە ءوزى ورنىن تاپتى ما، ويلانىپ كورىڭىزشى.. .

 باتىس مادەنيەتىندە سوڭعى 10 جىلدىقتا سۋرەتىنە قاراپ جاسىن ايىرۋ مۇمكىن ەمەس ادامداردىڭ بۋىنى ارتىپ كەلەدى. ولار ءجاسوسپىرىم سەكىلدى كيىنەدى، تۇراقتى جۇمىسى جوق ءارى بىرنەشە دوسىمەن بىرگە پاتەر جالداپ تۇرادى. امەريكادا نە بالا ەمەس ، نە ەرەسەك ەمەس بۇل بۋىن تۆيكستەر دەپ اتالادى. بۇل اعىلشىن تىلىندە «betwixt» سوزىنەن شىققان. ماعىناسى نە ءارى، نە بەرى ەمەس دەگەندى بىلدىرەدى. جاپونيادا مۇنداي بۋىن 1980-1990 -جىلدارىندا كەڭىنەن تانىلدى. ولاردى قوعامدا «parasite single»، ياعني جالعىزباستى پارازيتتەر دەپ اتادى. مۇنداي شاعىن قوعام بارلىق ەلدە، بارلىق ورتادا بار. 20 جانە 30 جاس ارالىعىنداعى جاستاردى جاھاندىق ءبىر عانا ماسەلە بىرىكتىرەدى -  ومىردە نە قالايتىنىن بىلمەۋ.

عالامدىق مادەنيەت پەن الەمدىك ب ا ق -  بۇل جاس ارالىعى قىدىرۋعا، دەمالۋعا، ۋاقىتتى ويىن- كۇلكىگە ارناۋعا بەرىلەتىن مۇمكىندىك دەپ ادامنىڭ ساناسىنا قالىپتاستاستىرىپ تاستاعان. ەندى، سول قيىندىقتان شىعا الماي اۋرەلەنىپ جاتىر. شىنىمەن، اتا- اناسىمەن سالىستىرعاندا قازىر جالىندى جاستىق شاقتىڭ وتىنا ورتەنىپ جۇرگەندەر كەش ۇيلەنەدى، كەش ەسەيەدى. ولاردىڭ باستى ويلارى -  ەركىندىك باردا ءومىردىڭ بال ءدامىن سەزىپ قالۋ. ال، شىندىعىنا كەلگەندە 20 مەن 30 جاس ارالىعى -  ءبىزدىڭ بار كۇشىمىز بەن ءبىلىمىزمىزدى پايدالانىپ، ۋاقىتىمىزدى ۇنەمدەي وتىرا بولاشاعىمىزدىڭ ىرگەسىن قالايتىن ناعىز قىزعان شاق. بۇل ۋاقىتتا، پايدالى ىسپەن اينالىسپاساڭىز، 30 دان كەيىن سول ءجونسىز ارەكەتپەن ءومىر سۇرەتىن بولاسىز.

Massaget.kz