قازاقستاندىق ارۋلار ءۇشىن ينستاگرام-كاستينگ جاريالاندى

استانا. قازاقپارات - «قازاقستان ارۋى» ۇلتتىق كونكۋرسىنىڭ ۇيىمداستىرۋشىلارى قازاقستاندىق ارۋلار ءۇشىن ينستاگرام- كاستينگ جاريالادى، دەپ حابارلايدى قازاقپارات.

«قۇرمەتتى، قازاقستاننىڭ ارۋلارى!» «قازاقستان ارۋى» ۇلتتىق كونكۋرسىنىڭ جاڭا فورماتى - ينستاگرام- كاستينگتىڭ ۇزدىك وندىعى. كاستينگكە قاتىسۋ ءۇشىن وزدەرىڭىزدىڭ پاراقشالارىڭىزدا سۋرەتتەرىڭىزدى (تولىقتاي تۇسكەن جانە 3-4 سۋرەت) جاريالاڭىز. سونداي-اق ءوزىڭىز تۋرالى ۆيدەو جاريالاڭىز. حەشتەگىڭىزدى كورسەتىپ، پوستىڭىزدىڭ استىنا بايقاۋعا قاتىساتىن دوستارىڭىز تۋرالى دا ايتا كەتىڭىز»، - دەلىنگەن ينستاگرام- دا.

كاستينگ 3 اپتاعا (24 -اقپانعا دەيىن) سوزىلادى جانە اقپاننىڭ سوڭىندا ۇزدىك 10 قىز انىقتالادى. ولار بىردەن فينالعا شىعادى. مەكەنجايدى ناقتى كورسەتۋ قاجەت، سەبەبى الداعى ۋاقىتتا بەت-بەت سىننان وتەسىز. بايقاۋعا تۇرمىس قۇرماعان 17-دەن 25-كە دەيىنگى جاس ارالىعىنداعى، بويى 168 س م- دەن كەم ەمەس قىزدار قاتىسا الادى.