استانادا اۆتوبۋس جۇرگىزۋشىسىنىڭ كوز الدىندا بالاسى مەرت بولدى

«تاڭعى ساعات 8-دە قابانباي باتىر كوشەسىندە جەڭىل كولىك جولدان ءوتىپ بارا جاتقان 9-سىنىپ وقۋشىسىن قاعىپ كەتتى. جاياۋ جۇرگىنشىنى بايقاماعان جۇرگىزۋشى جىلدامدىقتى ۋاقىتىندا ازايتا الماعان. وقۋشى قىزدىڭ ءومىرى كورشى جولاقتا جولاۋشىلار اۆتوبۋسىن جۇرگىزىپ كەلە جاتقان اكەسىنىڭ كوز الدىندا ءۇزىلدى»، - دەپ جازدى ناۋات ازانبايەۆ Facebook-تەگى ءوز پاراقشاسىندا.

 سونىمەن قاتار باسپا ءسوز حاتشىسى استانالىقتاردى جولدا اباي بولۋعا شاقىرادى.

«جولدا اباي بولۋعا، بالالارعا جول ەرەجەلەرى مەن مىندەتتەرىن ۇيرەتىپ، ەسكەرتىپ وتىرۋعا شاقىرامىز. جۇرگىزۋشىلەردەن قالىپتى جىلدامدىقتى ساقتاۋدى سۇرايمىز»، - دەدى ول.

بۇعان دەيىن قالالىق اۆتوبۋستا ەر ادام كوز جۇمعان بولاتىن. ونىڭ قوعامدىق كولىك ىشىندە دەنساۋلىعى سىر بەرگەن.