ينتەرنەت پەن تەلەۆيزيا ادامداردى اشۋلانشاق ەتەدى - پسيحولوگ
استانا. قازاقپارات - استانالىق پسيحولوگ- مامان قازىبەك فرەيدمان قازىرگى زاماندا ادامداردىڭ نە ءۇشىن اشۋلانشاق بولاتىن سەبەبىن ايتتى، دەپ حابارلايدى قازاقپارات ءتىلشىسى.
«بۇل ادامداردىڭ ساناسىنداعى شەكتەۋلەردىڭ جوعالاتىندىعىمەن بايلانىستى. ءبىرىنشى كەزەكتە بۇل كوڭىلىڭ قالاعان ىسىڭمەن شەكتەۋسىز وتىرا بەرۋ دەگەن ءسوز. ادامدار اقپاراتتى بارلىق كوزدەردەن ەشقانداي شەكتەۋسىز الادى. ينتەرنەتتە كەز كەلگەن اقپاراتتى ەشقانداي قيىندىقسىز الۋعا بولادى. وسى جەردە ادامداردىڭ ىشكى دۇنيەسى اشىلىپ، ولار جەلىدە جازىلعان دۇنيەلەردىڭ بارلىعىن ىسكە اسىرا باستايدى»، - دەيدى ول.
سونداي-اق پيسحولوگتىڭ پىكىرىنشە، بۇل جەردە تەليەۆيزيا مەن ەشقانداي قيىندىقسىز اقپارات الماسۋ مۇمكىندىگى دە ۇلكەن ءرول وينايدى.
«ادامدار تەليەۆيزور، كينو كورىپ، ءتۇرلى ۆيدەو ويىندار ويناپ، ءبىر- بىرىنە سان ءتۇرلى قاتال، جانتۇرشىگەرلىك كىسى ءولتىرۋ جانە زورلىق-زومبىلىق ارەكەتتەرى تۋرالى بەينەروليكتەر جىبەرىپ وتىرادى. وسىدان كەلىپ ادامداردىڭ ءولىمى، قورقىنىش تۋدىراتىن ەمەس، ادەتتەگى دۇنيەگە اينالادى، - دەپ ەسەپتەيدى فرەيدمان.
پسيحولوگتىڭ پىكىرىنشە، قازىرگى تاڭدا وتباسىلىق ءومىر دە ءبىرشاما وزگەرىستەرگە ۇشىرادى. بۇل دا ادامداردىڭ ومىرىنە ىقپال ەتۋدە.
«مىسالى، بۇرىندارى وتباسى باستى قۇندىلىق دەپ باعالانىپ، وسكەلەڭ ۇرپاقتى ونى ساقتاۋ قاجەت دەپ تاربيەلەيتىن. ءقازىر كەرىسىنشە، ادامداردىڭ جەكە ومىرىنە باسا ءمان بەرىلەدى. ەگەر ساعان ول ۇناماسا، ونىمەن ءومىر ءسۇرۋدىڭ قاجەتى جوق. ونىڭ كەمشىلىكتەرىنە باس اۋىرتۋدىڭ كەرەگى جوق، تەك كوڭىلىڭ قالاعانىڭداي ءومىر ءسۇرۋ كەرەك دەگەن ۇعىم بار»، - دەپ قورىتتى ءسوزىن ساراپشى.
