الەمدەگى ەڭ كارى مايمىل كوز جۇمدى
استانا. قازاقپارات - ا ق ش- تاعى سان- ديەگو حايۋاناتتار باعىندا جاسى 60-قا كەلگەن الەمدەگى ەڭ كارى ۆيلا اتتى گوريللا كوز جۇمدى، دەپ حابارلايدى قازاقپارات بي- بي- سي اگەنتتىگىنە سىلتەمە جاساپ.
زووباق باسشىلىعىنىڭ مالىمدەۋىنشە، الپىس جىل ءومىر سۇرگەن ۇرعاشى مايمىلدىڭ ارتىنان بەس بۋىننىڭ ۇرپاعى وربىگەن.
«گوريللانىڭ مۇنداي ۇزاق جاساۋى الەمدە وتە سيرەك. ادەتتە ولار 35-40 جىل عانا جاسايدى»، - دەيدى كاليفورنياداعى سافاري- پاركتىڭ جەتەكشىسى پەگگي سەگستون.
الەمدەگى ەڭ كارى گوريللالاردىڭ تاعى ءبىرى اركانزاستاعى ليتل- روك حايۋاناتتار باعىندا تۇرادى ەكەن. ونىڭ جاسى 61 شاماسىندا.
ول افريكادا تابيعات ورتاسىندا دۇنيەگە كەلگەن. كەيىن ونى ادامدار ۇستاپ الىپ گوريللانى زووباققا تاپسىرعان.
ەسكە سالا كەتسەك، وتكەن جىلى قاماۋدا تۋعان جانە سول كەزدەگى جاسى ەڭ ۇلكەن سانالعان كولو اتتى كارى مايمىل دۇنيەدەن وتكەن بولاتىن.
