ايازدا جولاۋشىلاردى ۆاگوننان ءتۇسىرىپ كەتكەن جولسەرىكتەردىڭ ءىسى تەكسەرۋگە الىندى
استانا. قازاقپارات - ق ر ينۆەستيتسيالار جانە دامۋ مينيسترلىگى ومبى- قاراعاندى پويىزىنداعى جولسەرىكتىڭ اجەي مەن ونىڭ نەمەرەسىن سىرتتاعى قاتتى ايازعا قاراماستان ۆاگوننان ءتۇسىرىپ كەتۋىنە بايلانىستى تەكسەرۋ جۇمىستارىن جۇرگىزۋدە،
دەپ حابارلايدى «قازاقپارات» ۆەدومستۆونىڭ باسپا ءسوز قىزمەتىنە سىلتەمە جاساپ.
«كوكشەتاۋدا №143/144 ومبى- قاراعاندى باعىتىنداعى پويىز جولسەرىگىنىڭ قارتاڭ ايەل مەن ونىڭ نەمەرەسىن ۆاگوننان ءتۇسىرىپ كەتۋىنە بايلانىستى تەكسەرۋ جۇمىستارى جۇرگىزىلۋدە. ناتيجەلەر انىقتالعان سوڭ كىنالى قىزمەتكەرلەرگە ق ر ەڭبەك زاڭناماسىنىڭ اياسىندا قاتاڭ شارالار قولدانىلاتىن بولادى»، - دەپ حابارلادى باسپاءسوز قىزمەتى.
ق ر ينۆەستيتسيالار جانە دامۋ مينيسترلىگىنە قاراستى كولىك كوميتەتى تاسىمالداۋشىلار اتىنان بولعان وقيعا ءۇشىن كەشىرىم سۇرايدى جانە وسىنداي وقيعالاردىڭ بولاشاقتا قايتالانباۋى ءۇشىن قاجەت شارالاردىڭ بارلىعىن قولداناتىندىعىن حابارلايدى.
ەستەرىڭىزگە سالا كەتەيىك، بۇعان دەيىن الەۋمەتتىك جەلىلەردە ومبى- قاراعاندى پويىزىنىڭ جولسەرىگى قارتاڭ ايەل مەن ونىڭ ءتورت جاستاعى نەمەرەسىن سىرتتاعى قاتتى ايازعا قاراماستان ۆاگوننان ءتۇسىرىپ كەتكەنى جازىلعان. ولاردى پويىزعا باسقا ۆاگوننىڭ جولسەرىگى كىرگىزگەنگە ۇقسايدى.
