بۇگىندە قازاقستاننىڭ باسىم بولىگىندە قاتتى اياز بولادى

انتيتسيكلوننىڭ اسەرىنەن قازاقستاننىڭ باسىم وبلىستارىندا جاۋىن-شاشىنسىز اۋا رايى ساقتالادى، تەك باتىستىڭ، سولتۇستىكتىڭ كەي جەرلەرىندە ازداعان جاۋىن-شاشىن كۇتىلەدى.

رەسپۋبليكانىڭ كەي جەرلەرىندە جەلدىڭ كۇشەيۋى، تۇمان، جاياۋ بۇرقاسىن، وڭتۇستىك-باتىستا كوكتايعاق بولادى.

وڭتۇستىك قازاقستان، قىزىلوردا، اقتوبە، جامبىل وبلىسىنىڭ كەي جەرلەرىندە 15-20 م/س جىلدامدىقپەن جەل سوعادى.

اقمولا، قوستاناي وبلىستارىنىڭ كەي جەرلەرىندە جاياۋ بۇرقاسىن بولىپ، جەل 15-20 م/س كۇشەيەدى.

ماڭعىستاۋ، باتىس قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان تۇسەدى.

الماتى، قاراعاندى، جامبىل، وڭتۇستىك قازاقستان، شىعىس قازاقستان وبلىستارىنىڭ كەي جەرلەرىندە وتە قاتتى اياز بولاتىندىعى بولجانۋدا.