18:45, 24 - قاڭتار 2018 | GMT +5
رەسەيدە تىيىم سالىنعان «ستاليننىڭ ءولىمى» فيلمى قازاقستاندا كورسەتىلەدى
استانا. قازاقپارات - رەسەي مادەنيەت مينيسترلىگى بريتاندىق «ستاليننىڭ ءولىمى» كومەدياسىن كينوتەاترلاردان كورسەتۋگە رۇقسات بەرمەدى. فيلم 25 - قاڭتاردان باستاپ ماسكەۋدەگى 30 كينوتەاتردا كورسەتىلۋى كەرەك بولاتىن،
دەپ حابارلايدى Today.kz.
رەسەي مادەنيەت مينيسترلىگى قوعامدىق كورسەتىلىمنەن كەيىن ساتيرالىق تۋىندىنى ەكرانعا شىعارۋدان باس تارتقان. قوعامدىق كورسەتىلىمگە رەسەي مادەنيەت مينسترلىگىنەن بولەك، دەپۋتاتتار مەن رەسەيلىك تاريح قاۋىمداستىعىنىڭ وكىلدەرى قاتىسقان. بارلىعى ءبىر اۋىزدان «فيلمدە يدەولوگيالىق كۇرەس بەلگىلەرى بار» دەگەن شەشىمگە كەلىپ وتىر.
جالپى «ستاليننىڭ ءولىمى» كومەديالىق فيلمىنىڭ تۇساۋكەسەرى 2017 -جىلدىڭ 8 - قىركۇيەگىندە تورونتوداعى حالىقارالىق كينوفەستيۆالدە بولعان ەدى. تۋىندىنىڭ ۇزاقتىعى - 1 ساعات 46 مينۋت. فيلم ستالين ولگەننەن كەيىنگى بيلىككە تالاستى باياندايدى.
قازاقستاندىقتار ەرتەڭنەن باستاپ «ستاليننىڭ ءولىمىن» ەلىمىزدىڭ بارلىق كينوتەاترىنان كورە الادى.
