وزبەكستاننىڭ ت ج م تۇرعىندارعا ايازعا بايلانىستى قازاقستانعا ساپارلاماۋعا كەڭەس بەردى

استانا. قازاقپارات - وزبەكستان رەسپۋبليكاسى ت ج م داعدارىستى جاعدايدى باسقارۋ ورتالىعى تۇرعىندارعا اۋا رايىنىڭ بۇزىلۋىنا بايلانىستى قازاقستانعا ۋاقىتشا ساپارلاماۋعا كەڭەس بەردى.

بۇل تۋرالى «قازاقپارات» ح ا ا وزبەكستان رەسپۋبليكاسى ت ج م سايتىنا سىلتەمە جاساپ حابارلايدى.

«قازاقستاندا قاتتى ايازدى كۇندەر كۇتىلەدى. وزبەكستان ازاماتتارىنان قازاقستاننىڭ سولتۇستىك، شىعىس جانە ورتالىق بولىنە جولاۋشىلار اۆتوبۋسىمەن جانە جەكە كولىكتەرمەن ساپارلاۋدى ۋاقىتشا توقتاتا تۇرۋدى سۇرايمىز»، - دەلىنگەن وزبەكستان ت ج م تاراتقان حابارلامادا.

قازگيدرومەت تاراتقان مالىمەتتەرگە قاراعاندا، 22- قاڭتاردان باستاپ، اسىرەسە 23-26- قاڭتار ارالىعىندا اۋا-رايى كۇرت سۋىتىپ، اۋا تەمپەراتۋراسى -35-40 گرادۋسقا دەيىن تومەندەۋى مۇمكىن.

ەسكە سالساق، 22- قاڭتاردا اقتوبەنىڭ ىرعىز اۋدانىندا وزبەكستان ازاماتتارى مىنگەن اۆتوبۋس ىستەن شىقتى. ولار رەسەيدىڭ ۋ ف ا قالاسىنا بارا جاتقان ەكەن.

سونداي-اق، 18- قاڭتار كۇنى تاڭەرتەڭ سامارا-شىمكەنت تاسجولىندا جول اپاتى بولىپ، جولاۋشىلارعا تولى اۆتوبۋس جانىپ كەتتى. ءورت كەزىندە 52 ادام قازا بولىپ، 5 ادامدى كۇيىك شالدى. قازىر كۇيىك شالىپ، گازعا ۋلانعاندار اقتوبە وبلىستىق جەدەل جاردەم اۋرۋحاناسىندا ەم قابىلداپ جاتىر. ولاردىڭ ۇشەۋى قازاقستان، ەكەۋى وزبەكستان ازاماتى.