اقتاۋدا جارتاستىڭ بويىمەن سوقپاق جول سالۋ جوسپارلانۋدا
جوبا جاساۋشىلاردىڭ پىكىرىنشە، اتالمىش سوقپاق جول اقتاۋدىڭ كورىكتى جەرلەرىنىڭ بىرىنە اينالماق.
جوبا بويىنشا سوقپاق جول جارتاستى بويلاي 1600 مەترگە سوزىلادى. سوقپاق جولدى تاستاردى بۇزباي، تابيعي بەدەرمەن ۇيلەستىرىپ سالادى. بۇل جوبادا ءتۇرلى دەمالىس اۋماعى بار 24 شولۋ الاڭى قاراستىرىلعان. قاۋىپتىلىك دەڭگەيى جوعارى جەرلەردە تروتۋارلاردىڭ بويىنا تۇتقالار قويىلماق. شولۋ الاڭىندا: 30 ورىندىق كولىك تۇراعى، دارەتحانا مەن پوليتسيا بەكەتى بولادى. شولۋ الاڭىنىڭ ورتالىعىندا كۇن ساعاتتارى ورنالاستىرىلادى.
«مۇنىڭ بارلىعى پوليمەرلىك كومپوزيتتىڭ بەرىك اعاش- ماتەريالىنان جاسالىنادى. ول ارنايى ءبىزدىڭ ءوڭىر ءۇشىن ىستەپ شىعارىلعان. ونىڭ پايدالانۋ مەرزىمى 20 جىلدان اسادى. جارتاستى بويلاي ورنالاسقان تروتۋاردىڭ بارلىق جەرىنە پوليتسيا پۋلتىنە جالعانعان ۆيدەوباقىلاۋ كامەرالارى قويىلادى. جارتاستى الاپتىڭ ەكى ۋچاسكەسىنە جوبا بويىنشا ماڭعىستاۋدىڭ تاريحىنان سىر شەرتەتىن سلايدتار كورسەتىلەدى»، - دەدى جوبا جاساۋشىسى مارات سيۋنيكوۆ.
قۇرىلىستىڭ الدىن الا قۇنى 1 ميلليارد 200 ميلليون تەڭگەنى قۇرايتىنى اتالىپ ءوتىلدى. بۇل جوبانى جۇزەگە اسىرۋ ءۇشىن قالالىق اكىمدىك ينۆەستورلار ىزدەۋگە نيەتتى.
