تۇرىك الەمى مادەنيەت استاناسى - كاستامونۋ
قازاقستاننىڭ تۇركىستان قالاسىندا وتكەن تۇرىكسوي تۇراقتى كەڭەسىنىڭ 35- جيىنىندا تۇركيانىڭ كاستامونۋ قالاسىنىڭ مادەنيەت استاناسى كانديداتتىعى قابىلداندى.
جيىنعا قاتىسقان ت ر مادەنيەت جانە تۋريزم ءمينيسترىنىڭ ورىنباسارى حۇسەيىن يايمان: «تۇرىك الەمى مادەنيەت استاناسى باعدارلاماسى اياسىندا 2013 -جىلى ەسكيشەحيردە جۇرگىزىلگەن مادەنيەت فەستيۆالىن تاعى ءبىر رەت قايتالايمىز. سوندىقتان 2018 -جىلدىڭ مادەنيەت استاناسى رەتىندە سۇلۋ قالا كاستامونۋدىڭ سايلانعانىنا قۋانىشتىمىز» دەدى.
2018 -جىلى سونىمەن بىرگە تۇرىكسويدىڭ 25 جىلدىعىن تويلايتىندارىن دا ايتقان يايمان: «ەستە قالاتىن جانە بولاشاق ۇرپاققا مۇرا بولىپ قالاتىن جىل بولۋ ءۇشىن ەل رەتىندە بارلىق مۇمكىندىكتى قاراستىرامىز» دەدى.
شامامەن 375 مىڭ حالقى بار كاستامونۋ تاريحي جانە مادەني مەكەندەرى، تابيعاتىمەن نازار اۋدارادى.
قالا تەرريتورياسىنىڭ 65 پايىزى ورمان. كەڭ فلورا جانە فاۋناعا يە كاستامونۋ سونىمەن بىرگە ءتۇرلى جابايى جانۋاردىڭ دا مەكەنى.
قاراتەڭىز جاعاسىنداعى قالانىڭ كوركەم ورىندارى اراسىندا ۆاللا كانونى، ىلگاريني ۇڭگىرى، گيدەروس شىعاناعى مەن سارقىرامالارىن ساناۋعا بولادى.
