جاساندى ۇرىقتاندىرۋدان تۋعان بالانىڭ دەنساۋلىعى قالاي بولادى

استانا. قازاقپارات - قازاقستانداعى جاساندى ۇرىقتاندىرۋدىڭ اۆتورى، بيولوگيا عىلىمدارىنىڭ دوكتورى سالتانات بايقوشقاروۆا ەكستراكورپورالدى ۇرىقتاندىرۋدان تۋاتىن بالالاردىڭ دەنساۋلىعىنا تۋرالى ايتىپ بەردى، دەپ حابارلايدى قازاقپارات ءتىلشىسى.

«جاساندى ۇرىقتاندىرۋ ارقىلى دۇنيەگە كەلگەن ادام بالا كوتەرە الادى. ەندى، بىلاي قاراساڭ، جاساندى ۇرىقتاندىرۋدى جاسايتىن ەركەك پەن ايەل دەنى ساۋ ادامنان تۋعان جوق پا؟ نەگىزى، جاساندى ۇرىقتاندىرۋدى ءبىر رەت جاساسا، ناتيجە بولماۋى دا مۇمكىن. بارلىعى ادامنىڭ دەنساۋلىعىنا بايلانىستى. بىرەۋدىڭ مۇمكىندىگى 100 پايىز بولادى. ەندى بىرەۋلەردە 10-اق پايىز. ورتاشا ەسەپپەن جاساندى ۇرىقتاندىرۋدىڭ 30-40 پايىزى ءساتتى شىعادى»، - دەدى س. بايقوشقاروۆا جۋرناليستەرگە بەرگەن سۇحباتىندا.

ونىڭ ايتۋىنشا، جاساندى ۇرىقتاندىرۋدا بالانىڭ جىنىسىن بىردەن انىقتاۋعا بولادى. «ول ءۇشىن گەنەتيكالىق دياگنوستيكا جاسالادى. سول كەزدە ەمبريوننىڭ ۇل، نە قىز ەكەنىن بىلۋگە بولادى. ءبىراق گەنەتيك دەگەن وتە كۇردەلى ماماندىق. دۇنيەجۇزىندە ەڭ دامىعان مەملەكەتتەردىڭ وزدەرى گەنەتيكالىق ساراپتاماعا ءجۇز پايىز كەپىلدىك بەرە المايدى. وتكەندە يزرايلدىڭ ءبىر پروفەسسورى لينا بازەر كەلدى. ول تەل- اۆيۆتىڭ ۇلكەن گەنەتيكالىق ورتالىعىندا ىستەيدى. سول ايتادى، ءبىز قانشاما زەرتتەپ، كەرەمەت بولىپ جاتساق تا، بارلىق سۇراقتارعا جاۋاپ بەرە المايمىز. ويتكەنى عىلىم ءۇشىن بەيمالىم جاعدايلار كوپ»، - دەپ اتاپ كورسەتتى س. بايقوشقاروۆا.

 ايتا كەتەيىك، بۇگىن استانادا وتكەن كونفەرەنسيا اياسىندا س. بايقوشقاروۆا جاساندى ۇرىقتاندىرۋدى بارىنشا ارزانداتۋعا بولاتىنىن جەتكىزدى. ونىڭ ايتۋىنشا، 100 ەر ادامنىڭ تەك 2-3-ەۋىنىڭ عانا ۇرىعى جارامدى.

اۆتور: ارمان اسقاروۆ