اسقاباق قارتايۋدىڭ الدىن الادى

 استانا. قازاقپارات - قىس مەزگىلىندە كوپشىلىگىمىزدىڭ ۇيىمىزدەن تابىلاتىن اسقاباقتى ءبارىمىز دە جاقسى كورەمىز. سەبەبى اسقاباق - كوپ ساقتاۋعا وتە ىڭعايلى ءداندى- داقىلداردىڭ ءبىرى.

 تەك قانا سىرتقى قابىعى بۇلىنبەسە بولعانى. ال شىرىگەن نە كوگەرگەن جەرلەرى بولسا، ونداي تۇستارىن الىپ تاستاپ، دانىنەن تازالاپ پايداعا اسىرا بەرۋگە بولادى. ال قالعان ارتىق بولىگىن، توڭازىتقىشقا پوليەتيلەندى پاكەتكە وراپ سالۋعا بولادى. ول ەشقاندايدا ءوز ءدامىن جوعالتپايدى. • اسقاباقتىڭ قۇرامىندا تەمىر وتە كوپ. سونىمەن قاتار كالي، كالتسي، ماگني، قانت، اقۋىزدار دا جەتكىلىكتى جانە ۆ، س، د، ە، رر مەن سيرەك كەزدەسەتىن ت دارۋمەنى بار. ال قۇرامىنداعى ا دارۋمەنى جارانى جازۋعا، كۇيىك شالعان جەردى كەتىرۋگە كومەكتەسەدى. ول ءۇشىن اسقاباقتى ۇككىشتەن وتكىزىپ، زاقىمدانعان جەرگە 2-3 ساعات كومپرەسس جاساپ، تۇنگى ۋاقىتتا بايلاپ قويۋ كەرەك.

 • اسقاباق جۇرەك، بۇيرەك اۋرۋلارىنا جانە ءىش قاتۋ كەزىندە، ءوتتىڭ قابىنۋىندا جاقسى ەم بولادى. سول سەبەپتى دارىگەرلەر دە اسقاباقتان جاسالعان تاعامداردى كوبىرەك جەۋگە كەڭەس بەرەدى.

 • اسقاباقتىڭ قۇرامىنداعى ە دارۋمەنى ەرتە قارتايۋدىڭ الدىن الادى. ول بەتكە ءاجىم تۇسىرمەي، بەتكە شىعاتىن داقتاردىڭ الدىن الادى. سونىمەن قاتار ە دارۋمەنى بەل مەن يىقتىڭ اۋرۋىن جەڭىلدەتەدى جانە سالقىن تيۋدەن ساقتاپ، يممۋنيتەتتى كوتەرەدى ءارى ادام اعزاسىن ءتۇرلى باكتەريالاردان قورعايدى.

 • سيرەك كەزدەسەتىن ت دارۋمەنىنىڭ ارقاسىندا اسقاباق سەمىزدىكتەن ساقتايدى. ونى سيىر ەتىمەن قوسىپ دايىنداسا، كەرەمەت تاعام بولىپ شىعادى. ال اسقاباقتى كوپ جەيتىن ادامداردىڭ بەت- ءجۇزى ارلەنىپ، كوڭىل- كۇيى كوتەرىڭكى جۇرەدى.

 • اسقاباقتا كەزدەسەتىن مادا تالشىقتار ءىش قاتۋدى بولدىرماي، قاتەرلى ىسىك اۋرۋىنا شالدىقپاۋعا كومەكتەسەدى. ال س جانە ۆ دارۋمەندەرى ادام دەنەسىنە جينالىپ قالعان تۇزداردى شىعارىپ، قان قىسىمىن رەتتەيتىن قاسيەتكە يە.

 

Massaget.kz