قازاقستاندىق جانە قىتايلىق عالىمدار كارتوپتىڭ جاڭا ءتۇرىن ويلاپ تاپتى
زەرتتەۋ بارىسىندا جەرگىلىكتى كارتوپ تۇقىمى ءبىر گەكتاردان 30 توننا ءونىم بەرسە، جاڭا سۇرىپ - 150 تونناعا دەيىن ءونىم بەرەدى.
«ەندى ينۆەستورلارمەن بىرىگىپ، جىلىجاي سالۋدى كوزدەپ وتىرمىز. قالا اكىمىنىڭ دە كوپ كومەگى ءتيدى: ءبىزدىڭ وقۋ شارۋاشىلىعىمىزدىڭ ماڭىنان 10 گەكتار جەر بەردى. وندا ءبىز بيوتەحنولوگيالارعا نەگىزدەلگەن زەرتحانا سالىپ، كارتوپتىڭ جاڭا سۇرپىن شىعارامىز جانە ولاردى سولتۇستىك قازاقستاندىق شارۋالارعا ساتامىز. ازىرگە اتىن قويعان جوقپىز، ۋاقىتشا №6 دەپ اتاپ ءجۇرمىز» ، - دەپ جاۋاپ بەردى قازاقپارات تىلشىسىنە ۋنيۆەرسيتەت رەكتورى اقىلبەك كۇرىشبايەۆ.
ونىڭ ايتۋىنشا، زەرتتەۋ بارىسىندا الىنعان كارتوپ ۋنيۆەرسيتەت اسحاناسىنا بەرىلگەن جانە وقىتۋشىلار ءبىر كەلىسىن 40 تەڭگەدەن ساتىپ العان.
«ءدامى وتە جاقسى دەپ ماقتاپ جاتىر، چيپسى پىسىرۋگە دە ىڭعايلى ەكەن» ، - دەيدى رەكتور.
ۋنيۆەرسيتەت جانىندا قىتايلىق، گەرمانيالىق، وڭتۇستىك كورەيالىق جانە بەلارۋستىق بىرنەشە حالىقارالىق ورتالىقتار جۇمىس ىستەيدى. ءتورت جىلدا 1,2 ميلليارد تەڭگە شەتەلدىك ينۆەستيتسيا تارتىلعان.
اۆتور: ايجان سەرىكجان قىزى
