وتەپبايەۆ: ادامعا روبوت قىزمەت ەتەتىن زامان جاقىنداپ كەلەدى
سونىڭ بىرىنشىسىندە ونەركاسىپتەگى ەڭبەك ونىمدىلىگىنىڭ دەڭگەيىن وندىرىستىك پروتسەستەردى تسيفرلاندىرۋ جانە زاماناۋي بيزنەس- مودەلدەردى مەڭگەرۋ ارقىلى ارتتىرۋ قاجەتتىگى ايتىلدى. مۇنداي پىكىردى «قازپوشتا» ا ق اتىراۋ وبلىستىق فيليالىنىڭ ديرەكتورى باۋىرجان وتەپبايەۆ ايتتى، دەپ حابارلايدى Baq.kz اقپارات اگەنتتىگى.
«قازپوشتا» وتكەن جىلى باستالعان جاڭعىرتۋ جۇمىستارىن بيىل دا جالعاستىراتىن بولادى.
«اتاپ ايتقاندا، اعىمداعى جىلى پوشتا بولىمشەلەرىندە، اتىراۋ وبلىسى بويىنشا پوشتالىق بولىمشەلەردە كومپيۋتەرلىك تەحنيكالاردى، كوممۋنيكاتسيالاردى جانە كاسسالىق كابينالاردى جاڭارتىپ، وزگەرتەتىن بولامىز. سونىڭ ىشىندە مەكەمەلەر وسى جىلى اۆتوماتتاندىرىلعان بولىمشەلەرمەن تولىقپاق. ەسكە سالا كەتسەك، وتكەن جىلدىڭ جەلتوقسان ايىندا سونداي اۆتوماتتاندىرىلعان سيفرلىق كەڭسە ەلوردامىزدا ىسكە قوسىلدى. وندا كەز كەلگەن تۇتىنۋشى وزىنە كەرەكتى وپەراتسيالاردى روبوت تەحنيكالاردىڭ كومەگىمەن ورىنداي الاتىن بولادى. بۇل جۇيە - كەز كەلگەن تۇرعىننىڭ ۋاقىتىن ۇنەمدەپ، شارۋاسىن جەدەل بىتىرۋىنە سەپتىگىن تيگىزبەك. وسىنداي سيفرلىق كەڭسە ەلىمىزدىڭ تاعى بەس قالاسىندا جۇزەگە اسىرىلادى. تاياۋ كۇندەرى بۇل مۇمكىندىكتى ءاربىر اتىراۋلىق ەركىن مەڭگەرىپ كەتەرى انىق. قازىر ءبىزدىڭ مەكەمەگە قاراستى 106 بولىمشە بار. ونىڭ 28 ءى قالا جانە قالاعا قاتىستى اۋىلدىق بولىمىشەلەر. قازىر ەكىنشى دەڭگەيلى بانكتەر ارقىلى نەسيە بەرۋدى دە «قازپوشتا» بولىمشەلەرى ارقىلى جۇزەگە اسىرۋدا. وتكەن جىلدان بەرى post.kz ارقىلى تاپسىرىس بەرۋ مەن جەتكىزۋ دە وڭتايلى شەشىمىن تاپتى» ، - دەيدى ديرەكتور.
ونىڭ ايتۋىنشا، ترانسپورت پەن لوگيستيكالىق ينفراقۇرىلىمدى ودان ءارى دامىتا بەرۋ تۋرالى جولداۋداعى ءتورتىنشى مىندەتتەمەدە انىق ايتىلعان.
«لوگيستيكالىق اقپاراتتىق ورتالىق نەگىزىندە پوشتاعا كەلىپ جەتكەن تاپسىرىستاردى سۇرىپتاپ، وڭدەپ ءار وبلىسقا ۋاقىتىلى، بۇرىنعىدان الدەقايدا جەدەل جەتكىزۋگە مۇمكىندىك تۋدى. بۇل تۇرعىدا ءبىزدىڭ وڭىردە دە قارقىندى جۇمىستار باستاۋ الدى. الداعى ۋاقىتتا جۇمىستى جەڭىلدەتۋ ماقساتىندا تاعى دا ماشينالارمەن قامتاماسىز ەتپەكپىز. «سمارت سيتي» تەحنولوگيالارىن ەنگىزۋ ءوسىپ كەلە جاتقان قالالاردىڭ پروبلەمالارىن ءتيىمدى شەشۋگە مۇمكىندىك بەرىپ، ولاردىڭ ينۆەستورلار ءۇشىن تارتىمدىلىعىن ارتتىرادى» دەگەن جولداۋدىڭ ونىنشى مىندەتى بويىنشا ءبىزدىڭ وبلىستىق فيليالدا دا ناقتى باعدارلامالار جاساقتالماق» ، - دەيدى باۋىرجان وتەپبايەۆ.
