قازاقتار ۇرىنى قالاي جازالاعان؟

استانا. قازاقپارات- ۇرلىق. جالپى قازاقى ۇعىمىدا «تۇيمەنى ۇرلاعاندا - ۇرى، تۇيەنى ۇرلاعاندا - ۇرى»، - دەگەن ماقال بار. مۇنىڭ استارىنان ءبىزدىڭ بولمىسىمىزدىڭ ۇرلىققا دەگەن جەككورىنىشى قانداي ەكەنىن انىق بايقاۋعا بولادى.

كەزى كەلگەندە ايتىلاتىن مىسالدىڭ دەنى قىتايلىقتارعا تىرەلەدى ەكەن. ەرتە كەزدە  قىتايدا ۇرلىق جاساعاندى ايامايدى، قولىن كەسىپ الادى. ال قولىن كەسىپ العان اداممەن ەشكىم ارالاسپايدى. وسى سوزدەردەن سوڭ قىتاي ادالدىقتىڭ الا ءجىبىن اتتاماعان ەل دەگەن پىكىر قالادى. وسى ورايدا قازاقتا ايتىلار ءبىر مىسال قالمادى ما دەپ ويعا قالاتىنبىز... سويتسەك مۇنىمىز جەتىپ ارتىلادى ەكەن.

ءسوز ءالقيسساسىندا قازاقتاردىڭ ۇرلىققا بەرتىن ەڭ اۋىر جازاسى - ماسقارالاۋ ەكەنىن ايتا كەتكەنىمىز ءجون. ارىنا تاڭبا سالۋدان اسقان قانداي جازا تابىلسىن؟

 بۇل ورايدا ۇرلىقتىڭ ەڭ اۋىرى - ارقان ەكەنىن ايتا كەتكەن ءجون. ءتىپتى تاۋكە جارلىعىندا ارقان ۇرلاعانى ءۇشىن توعىز باس قارا مال ايىپپۇل تولەنگەن دەيدى. «ارقان ۇرلاما، ارقاندالىپ قالاسىڭ» دەگەن ءسوز وسىدان قالۋى كەرەك تەگىندە.

 ەگەر ۇرلىق جاساۋشى ايىپپۇلىن تولەي الماسا ول ءۇشىن تۋىستار بولماسا تۇتاس اۋىلى تولەۋگە ءماجبۇر بولىپ قالادى ەكەن.

 ۇرىلىقشىنى ۇستاۋ - ۇلكەن ولجا. ۇرىنى اتتان قۇلاتقانى - ۇرىنىڭ اتىن ولجالايدى دەگەن بار. ال ۇرىنىڭ استىندا وسال ات بولماسا كەرەك.

 دەرەككوزى: قازاق تاريحناماسى