قىتايدا قازا بولعان قازاقستاندىق قىزدى زورلاۋ فاكتىسى راستالمادى - ق ر س ءى م
«قىز زورلاۋ فاكتىسى راستالمادى، الايدا زورلىق كورسەتۋگە دەگەن ۇمتىلىس بولعان. سوت- مەديتسينالىق ساراپتامانىڭ قورىتىندىسى بويىنشا، قىز قۇلاۋدىڭ سالدارىنان مەرت بولعان»، - دەپ حابارلادى ق ر س ءى م- ءنىڭ باسپا ءسوز حاتشىسى ءانۋار جايناقوۆ.
ۆەدومستۆو وكىلدەرى سونىمەن قاتار قىتايدا 18 جاستاعى قىزدىڭ 14 قاباتتان قۇلاعان كەزىندە قاسىندا بولعان ەكى پاكىستان ازاماتىنىڭ دا ۇستالعانىن حابارلادى.
«وسى وقيعادان كەيىن قىتاي پوليتسياسى تەرگەۋدى باستادى. پاكىستاننىڭ ەكى ازاماتى ۇستالدى. الدىن الا مالىمەتتەرگە سايكەس ولاردىڭ جاسى 26-30 ارالىعىندا. ولاردىڭ ستۋدەنت بولعان- بولماعانى ازىرگە بەلگىسىز. ولاردىڭ ءبىرى قاماۋدا وتىر، ال ەكىنشىسىنە تەرگەۋ اياقتالمايىنشا ەشقايدا كەتپەۋ بۇلتارتپاۋ شاراسى قولدانىلدى. تەرگەۋ ءجۇرىپ جاتىر. ەكىنشى قىز وقيعاعا قاتىستى تۇسىنىكتەمە بەرگەن، قازىر ول وقۋىن جالعاستىرۋدا»، - دەدى جايناقوۆ.
س ءى م- دەگىلەر قازاقستاننىڭ شاڭحايداعى باس كونسۋلدىعىنىڭ ەرەكشە قاداعالاۋىندا ەكەندىگىن ايتادى.
ديپلوماتيالىق ۆەدومستۆونىڭ مالىمەتىنشە، 1 - جەلتوقسان كۇنى سۋدجوۋ ۋنيۆەرسيتەتتەرىنىڭ بىرىندە وقيتىن ون سەگىز جاستاعى قازاقستاندىق ستۋدەنت قىز قۇربىسىمەن بىرگە تانىسى - پاكىستان ازاماتىنا قوناققا بارادى. ول جەردە ونىڭ دوسى دا بولعان. ءبىر كەزدە ماس كۇيدە ولار قىزدارعا جارماسا باستايدى. قىزدىڭ بىرەۋى جاسىرىنىپ قالادى، ال ەكىنشى قىز 14-قاباتتان قۇلاپ، مەرت بولعان.
