سەنبىدە قازاقستاننىڭ كوپ بولىگىندە قۇبىلمالى اۋا رايى ساقتالادى

استانا. قازاقپارات - 13- قاڭتاردا اتموسفەرالىق اعىنداردىڭ وتۋىنە بايلانىستى قازاقستاننىڭ باسىم بولىگىندە تسيكلوننىڭ ىقپالى ساقتالادى، سوعان بايلانىستى كەي جەرلەردە جاۋىن-شاشىن، تۇمان، كوكتايعاق، جەلدىڭ كۇشەيۋى، بۇرقاسىن كۇتىلەدى، دەپ حابارلايدى قازگيدرومەت.

اقمولا، سولتۇستىك قازاقستان وبلىستارىنىڭ كەي جەرلەرىندە تۇمان، تۇندە جانە تاڭەرتەڭ كەي جەرلەردە جەلدىڭ كۇشەيۋى 15-20 م/س، تۇندە اقمولا وبلىسىندا بۇرقاسىن كۇتىلەدى.

قاراعاندى، شىعىس قازاقستان وبلىستارىندا كەي جەرلەردە جەلدىڭ جىلدامدىعى 15-20 م/س- گە جەتەدى، بۇرقاسىن سوعادى.

شىعىس قازاقستان وبلىسىندا كەي جەرلەردە تۇمان كۇتىلەدى.

 وڭتۇستىك قازاقستان وبلىستارىنىڭ كەي جەرلەرىندە جەلدىڭ ەكپىنى 15-20 م/س، تۇمان، جامبىل وبلىسىندا كوكتايعاق، بۇرقاسىن كۇتىلەدى.

ماڭعىستاۋ، قىزىلوردا وبلىستارىنىڭ كەي جەرلەرىندە تۇمان، كوكتايعاق كۇتىلەدى.

قوستاناي، الماتى، باتىس قازاقستان وبلىستارىنىڭ كەي جەرلەرىندە تۇمان كۇتىلەدى.