تاتارستاندا حالىقارالىق تۇركولوگيا كونفەرەنسياسى وتەدى
2018-جىلدىڭ 12-14- ءساۋىر ارالىعىندا تاتارستاندا قازان فەدەرالدى ۋنيۆەرسيتەتى (ق ف ۋ) «تۇركى الەمى: تۇركى حالىقتارىنىڭ ءتىلى، ادەبيەتى، تاريحى مەن مادەنيەتىندەگى ماسەلەلەر» تاقىرىبىنداعى IX حالىقارالىق تۇركولوگيا كونفەرەنسياسىن ۇيىمداستىرادى.
رەسەي فەدەراتسياسىنىڭ ءبىلىم جانە عىلىم مينيسترلىگىنىڭ قولداۋىمەن ۇيىمداستىرىلعان جيىن ق ف ۋ جانىنداعى ەلابۇعا ينستيتۋتىندا وتەدى.
كونفەرەنسيا جۇمىسى نەگىزىنەن 6 باعىتتا ءوربيدى دەپ جوسپارلانعان.
ولار:
تۇركى حالىقتارىنىڭ ادەبەتى مەن فولكلورى، زاماناۋي تۇركولوگيانىڭ وزەكتى ماسەلەلەرى، تۇركى حالىقتارىنىڭ توپونيمدەرى مەن ونوماستيكاسى، لينگۆومادەنيەت تانۋ مەن اۋدارما ءىسىنىڭ وزەكتى ماسەلەلەرى، تۇركى حالىقتارىنىڭ تاريحى مەن مادەنيەتى، تۇركى تىلدەرى مەن ادەبيەتىن وقىتۋداعى جاڭا ۇدەرىستەر سەكىلدى تاقىرىپتاردى قامتيدى.
