جاساندى سانامەن قاشان ءومىر سۇرەمىز؟

 استانا. قازاقپارات - وسى ۋاقىتقا دەيىن «جاساندى سانا» تۋرالى اقپارات بەردىك. ونىڭ ادامزاتقا اكەلەر ۇلكەن وزگەرىسىن دە اتاپ وتتىك. ال انىعىندا ءبىز قاشان جاساندى سانامەن ءومىر سۇرەمىز؟

جاساندى سانا تۋرالى تۇسىنىك نەگىزىنەن دارتمۋت كوللەجىنىڭ عالىمدارى 1956 -جىلى ويلاپ تاپقان دەگەن پايىم بار. سوڭعى جىلدارى كومپيۋتەرلەردىڭ دامۋ ساتىسى بىرنەشە كەزەڭنەن ءوتتى. قازىر ولار ادامنىڭ ميىنان دا تەز جۇمىس جاسايدى. سوندىقتان عالىمداردىڭ «جاساندى سانا» تۋرالى ويىن جوققا شىعارۋعا بولمايدى. بىلىكتى باعدارلاما جاساۋشى الان تيۋرينگ جاساندى سانانىڭ پايدا بولۋى تۋرالى ەرتە كەزدە ايتقانىن ەسكەرسەك، ءبارى دە قالىپتى جاعداي. دارتمۋت عالىمدارى ءوز كەزەگىندە ۇسىنىس جاساپ حات جازدى: «ءبىز بۇل ءۇردىس ءبىر ەمەس بىرنەشە ماسەلەگە كەلىپ تىرەلۋى مۇمكىن، ەگەر ىرىكتەلىپ الىنعان عالىمدار جاز بويىنا بىرگە جۇمىس جاساسا جاۋابىن تابۋعا بولادى» دەيدى. بۇل ايتىلىپ وتىرعان ۇسىنىس ارينە «جاساندى سانانى» زەرتتەۋگە ارنالعان. ايتىلعان وي كوپ: ادام ميىنداعى نەيرونداردىڭ جۇمىسىن روبوتتار قايتالاي الۋى مۇمكىن دەگەن سەكىلدى. عالىمدار وپتيميستىك كوزقاراستا قاراي وتىرىپ جەتىستىككە جەتەتىندەرىن بولجايدى. ولاردىڭ باعدارلامالارى ادام ءتىلىن ءتۇسىنىپ جانە الگەبرالىق تاپسىرمالاردى شەشۋى مۇمكىن. ادامدار الداعى 20  جىل ىشىندە جاساندى سانانىڭ قالىپتاساتىنا سەنەدى. 2000 -جىلدارعا قاراي روبوتتار وزدەرىنە «مەن اداممىن» دەپ تۇسىنەتىن كۇيگە جەتەدى دەپ ەسەپتەلگەن.

بۇل جايىندا الان تيۋرينگ مالىمدەيدى. ءبىراق قىزىعى قازىر ءومىر ءسۇرىپ جاتقان ادامدار جاساندى سانانىڭ ءالى دە بولسىن تاعى ءبىر 20  جىلدان كەيىن قالىپتاساتىنىن ءالى ايتىپ كەلەدى. سونىمەن «جاساندى سانا» قاشان تولىققاندى قالىپتاسادى؟ بۇل سۇراققا ادامدار ءالى جاۋاپ بەرە المايدى. سەبەبى ادامنىڭ ويلاۋ مۇمكىنشىلىگىنىڭ قانداي دەڭگەيگە دەيىن بارا الاتىنىن قۇدىرەتتى كۇش بىلمەسە، ادام بولاشاقتى ەشقاشان بولجاي العان ەمەس. «عالىمدار «جاساندى سانانى» ويلاپ تابۋ ءۇشىن سول «جاساندى» ءسوزىنىڭ ءوزىن تولىققاندى ءتۇسىنىپ الۋى كەرەك» دەيدى، زەرتتەۋشى ستيۋارت ارمسترونگ. مۇنىڭ سوڭى جەتۋ نۇكتەسى نەمەسە ناتيجەسى قوعامدا ادامدار ءومىر سۇرمەۋى مۇمكىن ءبىراق اقىلدى ادامدار ءومىر سۇرەدى. قالاي؟ ادامداردىڭ ويلاۋ قابىلەتى ەڭ بيىك دەڭگەيگە جەتكەن كەزدە ءبىر- بىرىمەن قارىم- قاتىناس پەن بايلانىس ۇزىلەدى. بۇل ءتۇبى شەكىسىز ءبىر تۇسىنىك قانا بولۋى دا مۇمكىن. ءبىراق ءار جىل سايىن عالىمدار الداعى 20  جىلدا «جاساندى سانا» تۇسىنىگىن قالىپتاستىرامىز دەۋدەن شارشاعان ەمەس. بالكىم عاسىر كەرەك، ءتىپتى بۇل تۇسىنىك بولماي قالۋى دا مۇمكىن. بولجامعا ەكى جاقتى قاراۋ كەرەك.

 

Massaget.kz