قازاقستاندا اۋا تەمپەراتۋراسى ايتارلىقتاي تومەندەيدى - سينوپتيكتەر

استانا. قازاقپارات - «قازگيدرومەت» ر م ك 11-13 ق-اڭتارعا ارنالعان اۋا رايى بولجامىن جاريالادى، دەپ حابارلايدى «قازاقپارات» ح ا ا.

«قازاقستان اۋماعىنان الداعى ءۇش تاۋلىكتە بيىكتىك سيكلونعا بايلانىستى اۋا اعىنى وتەدى. وسىعان وراي كوپتەگەن وبلىستا قار جاۋىپ، باتىستان، سولتۇستىك-باتىستان كۇشتى جەل تۇرادى، ورتالىق جانە شىعىس وبلىستاردا بوران سوعادى، ال وڭتۇستىك پەن وڭتۇستىك-شىعىستا كوكتايعاق بولادى»، - دەلىنگەن حابارلامادا.

سينوپتيكتەر سكانديناۆ تۇبەگىنىڭ سولتۇستىگىندە سۋىق انتيتسيكلون قالىپتاسىپ جاتقانىن ايتادى. ول وڭتۇستىك-شىعىس باعىتپەن جىلجىپ، 13- قاڭتاردا قازاقستان اۋماعىنىڭ باسىم بولىگىندە اۋا تەمپەراتۋراسىنىڭ كۇرت تومەندەۋىنە اكەپ سوقتىرادى.