08:10, 11 - قاڭتار 2018 | GMT +5
اۋىل تۇرعىنى جايىلىمدىقتان جارالانعان قىران تاۋىپ الدى
استانا. قازاقپارات - باسپا ءسوز بەتتەرىندە 8 -قاڭتاردا ازەربايجاننىڭ ماساللينسك اۋدانىنداعى حىرماندالى اۋىلىنىڭ تۇرعىنى انار گۋربانوۆ وزىنە قاراستى جايىلىمدىقتا دالا قىرانىن تاۋىپ العاندىعى جايلى جاريالانعان.
وسى اقپاراتتىڭ نەگىزىندە ەكولوگيا جانە تابيعي رەسۋرستار مينيسترلىگىنىڭ قىزمەتكەرلەرى جارالى قىراندى الىپ كەلىپ، التىگادجسكاي ۇلتتىق پاركى جانىنداعى جابايى تابيعات جانە وڭالتۋ كلينيكاسىنا تاپسىردى، دەپ حابارلايدى ازەرتادج.
ەكولوگيا جانە تابيعي رەسۋرستار مينيسترلىگى باسپا ءسوز قىزمەتىنىڭ مالىمدەۋىنشە، قاناتتارى سىنعان دالا قىرانىن مال دارىگەرلەرى تەكسەرىپ، وعان ءتيىستى كومەك كورسەتكەن. قۇس وڭالتۋ كەزەڭىنەن وتكەننەن سوڭ جابايى تابيعاتقا جىبەرىلەدى.
