قازاقستاندا جاسالعان ەلەكتر كولىكتەردىڭ قانشاعا ساتىلاتىنى ايتىلدى

استانا. قازاقپارات - قازاقستاندا قۇراستىرىلاتىن JAC iEv7S ەلەكتروكارلارىنىڭ باعاسى شامامەن 7,5 ميلليون تەڭگەدەن باستالادى. بۇل تۋرالى «سارى ارقا اۆتوپروم» ج ش س ديرەكتورىنىڭ تەحنيكالىق دامۋ جونىندەگى ورىنباسارى سەرگەي موگيلاتوۆ ايتتى، دەپ حاباردايدى قازاقپارات كولەسا. ك ز سىلتەمە جاساپ.

 قازاقستاندا قۇراستىرلاتىن iEv7S ەلەكتروموبيلدەرى قىتايدىڭ JAC ماركاسىنىڭ نەگىزىندە جاسالعان. ءىس جۇزىندە بۇل كروسسوۆەر NEDC سيكلىمەن 280 شاقىرىمعا دەيىن توقتاماي جۇرە الادى. ەگەر جىلدامدىقتى 60-تان اسىرماسا 350 شاقىرىمعا دەيىن بارۋعا بولادى. ال اۆتوكولىك باتارەياسىن تولىق قۋاتتاۋ ءۇشىن شامامەن 7 ساعات ۋاقىت قاجەت ەكەن.

 سەرگەي موگيلاتوۆتىڭ ايتۋىنشا، 2018 - جىلدىڭ اياعىنا دەيىن قوستانايدا 500 ەلەكتروموبيل قۇراستىرىپ شىعارۋ جوسپارلانعان. كولىكتىڭ باعاسى شامامەن 7,5 ميلليون تەڭگەدەن باستالادى. اتالعان كولىكتەردىڭ جالپى ساتىلىمعا ءدال قاي كەزدە شىعاتىنى ازىرگە بەلگىسىز.

اۆتور: دارىن نۇرساپار