08:51, 10 - قاڭتار 2018 | GMT +6
اق ءۇيدىڭ باسپا ءسوز قىزمەتى قازاقستان پرەزيدەنتىنىڭ امەريكاعا باراتىنىن حابارلادى
ۆاشينگتون. قازاقپارات - امەريكانىڭ ءبىرقاتار بۇقارالىق اقپارات قۇرالدارى قازاقستان پرەزيدەنتى نۇرسۇلتان نازاربايەۆتىڭ كەلەسى اپتادا ا ق ش- قا ساپارلايتىنى تۋرالى حابار تاراتتى.
Reuters اگەنتتىگى اق ءۇيدىڭ باسپا ءسوز قىزمەتىنە سىلتەمە جاساي وتىرىپ نۇرسۇلتان نازاربايەۆ پەن دونالد ترامپتىڭ 16 -قاڭتاردا كەزدەسۋ وتكىزەتىنىن حابارلادى.
كەزدەسۋ بارىسىندا مەملەكەت باسشىلارى ەكىجاقتى ستراتەگيالىق ارىپتەستىكتى تەرەڭدەتۋ جانە كۇشەيتۋ ماسەلەسىن، سونىڭ ىشىندە وڭىرلىك جانە ەكونوميكالىق ىنتىماقتاستىقتى تالقىلايدى.
ترامپ پەن نازاربايەۆ، سونداي-اق، ءبىرقاتار حالىقارالىق ماسەلەلەردى، سونىڭ ىشىندە قازاقستان ب ۇ ۇ ق ك ءتوراعاسى رەتىندە ۇشىراسىپ وتىرعان اۋعانستانداعى جاعدايدى تالقىلاماق.
