الەمدەگى ەڭ ادەمى كىتاپ دۇكەندەرى
باسپالى كىتاپتاردىڭ كەزەڭى توقتاپ كەلە جاتىر دەپ ويلايتىندارعا الەمدەگى ەڭ ادەمى كىتاپ دۇكەندەرىنىڭ بىرىنە كىرىپ كورۋلەرىن سۇرايمىز. ول جاققا كىرگەن ادامنىڭ شىققىسى كەلمەيدى.
Selexyz Dominicanen, مااستريحت، نيدەرلاند
مااستريحت قالاسىنداعى Selexyz Dominicanen الەمدەگى ەڭ ادەمى كىتاپ دۇكەندەرىنىڭ ءبىرى بولىپ تابىلادى. بۇل دۇكەننىڭ ەرەكشەلىگى ول 2006 -جىلدان باستاپ ەجەلگى XIII عاسىرداعى دومينيكان شىركەۋىندە ورنالاسقان. ول ەكى عاسىر بويى جارتىلاي بۇزىلىپ جاتىرعان. سوڭعى جيىرما جىل ونى ۆەلوسيپەد ساقتايتىن قويما رەتىندە پايدالانعان. ونى ارحيتەكتورلار قولعا الماسا، سولاي جالعاسا دا بەرەتىن ەدى. قالا باسشىلىعى ونى كىتاپ دۇكەنى رەتىندە قولدانۋعا رۇقسات بەرگەنىمەن، ديزاينەرلەرگە عيمارات قۇرىلىمىن وزگەرتپەۋ كەرەك دەگەن شەكتەۋ قويعان. مۇنداي شەكتەۋ قويىلسا دا، ادەمى ءارى ەرەكشە كىتاپ دۇكەنىن جاساۋ ديزاينەرلەردىڭ قولىنان كەلدى. دۇكەندە اپتا سايىن قىزىقتى شارالار، ياعني اۆتورلارمەن كەزدەسۋ، لەكسيالار، قويىلىمدار مەن سۇحباتتار ءجۇرىپ وتىرادى.
Livraria Lello, پورتۋ، پورتۋگاليا
Livraria Lello كىتاپ دۇكەنى پورتۋگاليانىڭ باستى كورىكتى جەرى بولىپ سانالادى. 1884 -جىلى پورتۋگالدىق كاسىپكەر شاعىن كىتاپ دۇكەنىن ساتىپ الادى. كەڭەيەتىن ۋاقىت كەلگەن كەزدە ارنايى عيمارات سالۋ تۋرالى شەشىم قابىلدايدى. ەگەر كىتاپ وقىعاندى ۇناتپاساڭىز دا، ونىڭ كەرەمەت ارحيتەكتۋراسى مەن ديزاينى سۇيسىنۋگە تۇرارلىق. Livraria Lello كىتاپ دۇكەنىنىڭ باستى ەرەكشەلىگى - ەكىنشى قاباتقا كوتەرىلەتىن بۇراندا اعاش باسپالداق.
ءLibrerіa Ateneo Grand Splendid, بۋەنوس- ايرەس، ارگەنتينا
كىتاپ وقۋدى ءارى تەاترعا بارۋدى جاقسى كورەتىن ادامدارعا بۋەنوس- ايرەستەگى ءLibrerіa Ateneo Grand Splendid كىتاپ دۇكەنى دەمالۋعا ارنالعان كەرەمەت جەرگە اينالادى. بۇل كىتاپ دۇكەنى 1919 -جىلدان 2000 -جىلعا دەيىن Grand Splendid Theater تەاترى جۇمىس ىستەگەن كۆارتالدا ورنالاسقان. بۇل تەاترعا ارگەنتينا قوعامىنىڭ بارلىق زيالى قاۋىمى بارعان. باستىسى كينوتەاتر كىتاپ دۇكەنىنە اينالعان سوڭ دا ونىڭ ىشكى كورىنىسى وزگەرمەگەن.
Massaget.kz
