ءۇيىن ساتىپ، بالالارىن مەكتەپتەن شىعارىپ العان وتباسى جەر- جاھاندى شارلاپ ءجۇر - كەسكىن
اقىر اياعىندا ۇيلەرىن ساتىپ، بالالارىن مەكتەپتەن شىعارىپ الدى. ەسەسىنە بۇگىندە جەر- جاھاندى شارلاپ ءجۇر.
بۇل تۋرالى Mirror- عا سىلتەپ Stan.kz حابارلايدى.
35 جاستاعى كريس دجەكسون مەن ونىڭ ايەلى دوننا وسىدان ءبىر جىل بۇرىن عانا لوندوندا جۇمىس ىستەپ، قالاداعى ەليتالى اۋدانداردىڭ بىرىندە تۇراتىن. ەكى بالا تاربيەلەپ وتىرعان ەرلى- زايىپتىلار وزگە وتباسىلاردان ەرەكشەلەنبەيتىن. ال بۇگىندە ولاردىڭ ءومىرى تۇبەگەيلى وزگەرگەن. وتباسى الەمنىڭ جارتىسىن ارالاپ، بۇگىندە تورونتوعا جەتتى جانە مۇنىمەن توقتاپ قالماق ەمەس.
ءومىردى بوسقا وتكىزبەس ءۇشىن وتباسى ءبارىن تاستاپ، ساياحاتتاۋ ءجون دەپ شەشكەن.
سەگىز جاسىر ەللي مەن التى جاسار مايلي مەكتەپكە بارمايدى. اتا- اناسىنىڭ پايىمىنشا، بۇل جاستا مەكتەپ كۇتە تۇرادى.
وسىدان بىرنەشە اي بۇرىن وتباسى ومىرلەرىن تۇبەگەيلى وزگەرتۋگە بەر بۋادى. باگام ارالدارىنان باستاپ، ارۋبۋ، كوستا- ريكا مەن ا ق ش- تى ارالاعان ولار كاناداعا دا اتباسىن بۇرعان.
«بۇل تەك قانا باسى. بۇل ومىرلىك قىزىق. ايەلىم ەكەۋمىز دە مەديتسينا سالاسىنىڭ مامانىمىز. ول مەدبيكەگە وقىدى، ال مەن جۇمىس ىستەدىم. ەكەۋمىزدىڭ بوس ۋاقىتىمىز وتە از بولاتىن، بالالاردى دا سيرەك كورەتىن ەدىك. سوندىقتان دا ءبارىن تاستاپ، ءومىردى جاڭادان باستادىق»، - دەيدى وتاعاسى كريس.
دوننانىڭ پىكىرىنشە، كۇن سايىن ءبىر ءىس- ارەكەتتى قايتالاي بەرگەن دۇرىس ەمەس. قىزىقتى نارسە جاساۋدىڭ ورنىنا ادامدار ۋاقىت وتكىزىپ، قارتايىپ بارادى.
دجەكسوندەر وتباسى ينستاگرامم مەن YouTube-تەن كانال اشىپ، جەكە سايتتارىن ىسكە قوسقان. ولار ساياحاتتاۋ تۋرالى بلوگ جۇرگىزەدى.
2018 -جىلى بۇل وتباسى ۆەتنام، كامبودجا مەن قىتايعا بارىپ قايتپاقشى.
ساياحات بارىسىندا دجەكسوندەر اقشانى ۇنەمدەپ ۇستايدى. قاراپايىم ءدامحانالاردان تاماقتانىپ، قوناق ۇيگە بارتەر (جارناما جاساۋ ارقىلى تەگىن ايىرباس) ەسەبىندە توقتاۋعا تىرىسادى. دەگەنمەن مۇنداي ءومىر ولارعا ۇنايدى.
«ادامدار ساياحاتتاعىم كەلەدى، ءبىراق قورقامىن دەپ ءجيى ايتادى. ءبىر ايتارىم، ساياحاتتاۋدىڭ وڭتايلى ۋاقىتى جوق. ءومىرىڭىز ۇناماسا، ونى وزگەرتەتىن جالعىز ادام - ول ءسىز. سوندىقتان قازىر ارەكەت ەتۋ كەرەك»، - دەيدى كريس.
