اعاش ىدىستىڭ پايداسى
ولار ءارتۇرلى اعاشتان جاسالاتىندىقتان، دەنساۋلىققا تيگىزەر اسەرى دە ءارتۇرلى بولادى ەكەن. باستىسى اعاش ىدىس- اياقتاردىڭ دەنساۋلىققا ەشقانداي دا زيانى جوق. ەندەشە اعاش بۇيىمدارىنىڭ پايدالى تۇستارىن ءبىلىپ جۇرىڭىزدەر.
1. جوكە (ليپا) اعاشى قابىنعانعا قارسى تۇرادى.
2. شەتەن (ريابينا) اعاشى اۆيتامينوزدان ساقتايدى.
3. قايىڭ (بەرەزا) اعاشىنىڭ قابىعىنان ۇن، جارمالاردى ساقتاۋعا ارنالعان ىدىستار جاسالادى. سونىمەن قاتار قايىڭ قابىعى باكتەريالاردى ءولتىرىپ، ءتۇرلى اۋرۋلاردى ەمدەيتىن قاسيەتكە يە.
4. ەمەن (دۋب) اعاشى قابىنۋدى بولدىرمايدى جانە بۇل اعاشتان جاسالعان ىدىسقا شىرىن قۇيىپ ىشسە، ول وزىندىك ءدامى مەن ءيىسىن بەرەدى.
5. بالقاراعايدان جاسالعان ىدىسقا تاعامدى قۇياتىن بولسا، ونىڭ ءدامى جوعالماي، ۇزاق ۋاقىتقا ساقتالادى.
6. ارشا (موججيەۆەلنيك) اعاشىنان جاسالعان ىدىستا ءسۇت بۇزىلماي، ىستىق كۇننىڭ وزىندە اشىمايدى.
7. ءۇي جاعدايىندا جاسالاتىن شاراپتى اعاش ىدىسقا قۇيىپ قويسا ءدامىن جوعالتپايدى. مىسالى، كونياكتى ەمەن اعاشىنان جاسالعان ىدىستا دايىندايدى.
8. كوكتەرەكتەن (وسينا) جاسالعان ىدىسقا ەمدىك شوپتەردى دەمدەپ ىشسە، ەمدىك ءشوپ ءوز تابيعيلىعىن جوعالتپايدى. سوندىقتان دا ءدال وسىنداي ىدىسقا پايدالى وسىمدىك تۇنبالارىن ازىرلەۋ كەرەك. اعاشتان جاسالعان بۇيىمدار تەك ەمدىك قاسيەتكە عانا ەمەس وتباسىنداعى كەلەڭسىزدىكتەردى بولدىرماي، ءۇي تىنىشتىعىن ساقتاۋعا كومەكتەسە الادى ەكەن.
ماسەلەن: 1. قارااعاش (ولحا) ۇيدەگى جاماندىق اتاۋلىنى قۋىپ شىعىپ، ادامعا كۇش- قۋات بەرەدى.
2. جاڭعاق اعاشى العىرلىق پەن كورەگەندىلىكتى سىيلايتىن قاسيەتكە يە.
3. ۇيەڭكى (كلەن) اعاشى ايەلدەرگە قىراعىلىق پەن سەزگىشتىك قاسيەتتى بەرە الادى. اعاش ىدىستاردىڭ كۇتىمى اعاشتان جاسالعان ىدىستار ۇزاققا ساقتالادى. سوندىقتان كوپ پايدالانعاننان كەيىن ءىشى قارايىپ بۇلىنە باستايدى. ىدىستى باستاپقى قالپىنا كەلتىرگىڭىز كەلسە، ىدىستى سۋتەك توتىعىمەن ءسۇرتىڭىز. ارتىنان جىلى سۋمەن شايۋدى ۇمىتپاڭىز. ەگەر دە ىدىستان كوگەرگەن ءيىس شىعاتىن بولسا، ىستىق سۋعا سىركەسۋىن تامىزىپ، سول سۋعا ىدىستاردى جۋىپ الىڭىز. اد جاڭادان ساتىپ الىنعان اعاشتىڭ ءيىسىن كەتىرۋ ءۇشىن ونى 2-3 اپتا بويى سۋعا سالىپ قويۋ كەرەك. الايدا سۋدى ءجيى- ءجيى اۋىستىرىپ وتىرۋ قاجەت. سونىمەن قاتار كەيدە اعاش قاسىقتاردان كوكونىس نەمەسە جەمىس شىرىندارىنىڭ بوياۋى كەتپەي قالادى. مۇندايدا قاسىقتاردى حلورلى سۋعا 15 مينۋت قايناتىپ الۋ قاجەت. سودان سوڭ حلوردىڭ ءيىسىن كەتىرۋ ءۇشىن بىرنەشە ساعات سالقىن سۋعا سالىپ قويساڭىز بولدى. اعاشتان جاسالعان تاقتايلاردىڭ تەك ءبىر بەتىن عانا جۋماي ەكى جاعىن دا بىردەي جۋىپ، سۋىن سورعىتىپ قويعان دۇرىس. سونىمەن قاتار اعاش ىدىستاردى ەشقاشان كۇنگە قويماڭىز. مۇنداي بۇيىمداردى لاكتاۋعا دا بولمايدى. سەبەبى ول ءوزىنىڭ تابيعي قالپىن جوعالتىپ، پايداسى دا بولماي قالادى. اعاش ىدىس- اياقتاردى كۇتۋ ءۇشىن مىنە وسىنداي تاسىلدەردى پايدالانساڭىز، ەش ۇتىلمايسىز.
Massaget.kz
