حان شاتىرعا كەلگەن بويجەتكەن قۇندىز ىشىگىن ۇرلاتىپ الدى

 استانا. قازاقپارات - ەلوردالىق بويجەتكەن قۇنى جارتى ميلليون تەڭگە بولاتىن قۇندىز ىشىگىن ۇرلاتىپ الدى، دەپ حابارلايدى قازاقپارات.

 «پوليتسياعا قالا تۇرعىندارىنىڭ ءبىرى 5 - قاڭتار كۇنى شامامەن ساعات 22-00 دە «حان شاتىر» ساۋدا ويىن- ساۋىق ورتالىعىنىڭ «KFC» ءدامحاناسىنان بەلگىسىز بىرەۋدىڭ قۇنى شامامەن 500 مىڭ تەڭگە بولاتىن قارا ءتۇستى قۇندىز ىشىگىن ورىندىق ۇستىنەن ۇرلاپ كەتكەندىگىنە ارىزداندى. بويجەتكەن ىشىگىن بوس تۇرعان ورىندىقتاردىڭ بىرىنە قويىپ، تاپسىرىس بەرۋگە كەتىپ قالعان. بىرنەشە مينۋتتان كەلگەننەن كەيىن ىشىگىنىڭ جوق ەكەندىگىن كورگەن» ، - دەدى استانا قالالىق ىشكى ىستەر دەپارتامەنتىنەن.

 قازىرگى ۋاقىتتا كۇدىكتى انىقتاۋ جانە ۇستاۋعا باعىتتالعان كەشەندى جەدەل ىزدەۋ شارالارى جۇرگىزىلۋدە. پوليتسيا قىزمەتكەرلەرى اتالعان ءىس بويىنشا ق ر قىلمىستىق كودەكسىنىڭ 188-بابىمەن سوتقا دەيىنگى تەرگەۋ امالدارىن جۇرگىزۋدە.

«اتالعان قىلمىستى جاسادى دەگەن كۇدىككە 25-30 جاستاعى، بويى 165-170 سم، كاپيۋشونى بار قارا ءتۇستى كۋرتكا، كوك دجيسى شالبارىن كيگەن ادام ىلىگىپ وتىر. استانا قالالىق ىشكى ىستەر دەپارتامەنتى كۇدىكتىنى انىقتاۋعا جاردەمدەسۋدى وتىنەدى. وقيعا كۋگەرلەرى مەن قانداي دا ءبىر اقپاراتتى بىلەتىن ازاماتتاردى مىنا تەلەفون نومىرلەرىنە حابارلاسۋىن سۇرايمىز:  102» ، - دەدى ۆەدومستۆودان.

سونىمەن قاتار استانا قالالىق ىشكى ىستەر دەپارتامەنتى قالا قوناقتارى مەن تۇرعىندارىنا قوعامدىق ورىنداردا جانە ادام كوپ جينالعان جەرلەردە بولعان كەزدە جەكە زاتتارىنا بارىنشا ساق بولۋدى ەسكەرتەدى.