اقمولا وبلىسىنىڭ پوليتسەيلەرى كيىكتى قورلاعانداردى ىزدەستىرۋدە

كوكشەتاۋ. قازاقپارات- اقمولا وبلىسىنىڭ پوليتسەيلەرى الەۋمەتتىك جەلىدە تاراعان ۆيدەوداعى ارەكەتكە قاتىستى «زاڭسىز اڭشىلىق» بابى بويىنشا ءىس قوزعاپ، براكونەرلەردى ىزدەستىرۋدە، دەپ حابارلايدى قازاقپارات ءتىلشىسى.

«قورعالجىن ۇلتتىق تابيعي پاركىنىڭ ديرەكتورىنىڭ ارىزى بويىنشا ق ر  ق ك 337 - بابىنىڭ 4 - ءبولىمى 1 - بولىمشەسى بويىنشا (زاڭسىز اڭشىلىق) سوتالدى ءىس قوزعالدى»، دەپ ءتۇسىندىردى ءى ءى د باسپا ءسوز حاتشىسى گۇلنار پينچۋك.

سونىمەن قاتار، باسپا ءسوز قىزمەتىندەگىلەر الەۋمەتتىك جەلىدە تاراعان اتالعان ۆيدەوداعى ادامداردىڭ ىزدەستىرىلىپ جاتقاندىعىن ايتتى.

ەسكە سالا كەتەيىك، جاقىندا Facebook الەۋمەتتىك جەلىسىندە بەلگىسىز ادامداردىڭ كيىكتەردى قورلاعان ۆيدەوسى جاريالانعان بولاتىن. وندا ەر ادام مەن بالا ءتىرى جانۋارمەن سۋرەتكە ءتۇسىپ، كەيىن جىبەرە سالعان.

الدىن الا دەرەكتەر بويىنشا، وقيعا جەلتوقساننىڭ 1- كۇنى بولعان. وسىعان وراي ق ر اۋىل شارۋاشىلىعى مينيسترلىگى ورمان شارۋاشىلىعى كوميتەتىنىڭ باسپا ءسوز قىزمەتىندەگىلەر قوعام مۇشەلەرىنەن ۆيدەوروليكتەگى ادامداردى انىقتاۋعا كومەكتەسۋدى سۇرادى.

اۆتور: اسلان وسپانوۆ