ادامدار نەگە اشقاراق بولادى؟ عالىمنىڭ زەرتتەۋى

استانا. قازاقپارات - ۇلى بريتانيانىڭ ساسسەكس ۋنيۆەرسيتەتىنىڭ مامانى ادامداردا نەلىكتەن اشقاراقتىق پايدا بولاتىنىن ايتىپ بەردى، - دەپ جازادى The Conversation.

دجەنني مورريس بۇل زياندى ادەتتىڭ بەس سەبەبىن اتادى. ماماننىڭ پىكىرىنشە، ءبىرىنشى كەزەكتە تاماق نەعۇرلىم ۇلكەن ۇلەسپەن كەلسە، ادام سونشالىقتى كوپ جەيدى.

ەكىنشى كەزەكتە داستارحانعا ءتۇرلى تاعامدى مولىنان قويۋ. ماسەلەن مەرەكەلىك داستارحانعا وتىرعان ادام ادەتتەگىدەن ءتورت ەسە كوپ جەيدى ەكەن.

كەلەسى كەزەكتە داستارحان باسىندا وتىرىپ، گادجەتتەردى قولدانۋ، تەلەديدار قاراۋ جانە كىتاپ وقۋ.

مۇنداي ساتتەردە ادام تويعانىن تولىق تۇسىنبەي، ارتىق تاماق جەيدى. تاماقپەن بىرگە الكوگول ىشىمدىكتەر ءىشۋ دە وسىنداي اسەرگە يە ەكەن، بۇل ءتورتىنشى سەبەپ.

تاماقتى ارتىعىراق جەۋدىڭ تاعى ءبىر سەبەبى، ونى كوپشىلىكپەن بىرگە قابىلداۋ. مۇنداي كەزدە «ەلىكتەۋ اسەرى» ىسكە قوسىلىپ، ادام قاسىندا وتىرعاندارعا ۇناعان تاعامداردى دا تاتىپ كورۋ ارقىلى ارتىق جەيتىن بولىپ شىقتى.