قىتايداعى «قازاق جاۋىنگەرى» كەزەكتى جەكپە- جەگىن تاعى دا نوكاۋتپەن اياقتادى

 استانا. قازاقپارات - WBO تۇجىرىمى بويىنشا جەڭىل سالماقتا (53,5 كەلىگە دەيىن - 118 فۋنت) ازيا چەمپيونى، 23 جاستاعى قىتايداعى قازاق بوكسشىسى ەلشات نىعماتوللا ۇلى (11-0-1, 3ك و) 13 - جەكپە- جەگىن ۋاقىتىنان بۇرىن اياقتادى، دەپ حابارلايدى قازاقپارات ءتىلشىسى.

 «قازاق جاۋىنگەرى» 6 - قاڭتار كۇنى قىتايدىڭ شىنجىن قالاسىندا 6 - راۋندقا جوسپارلانعان كەزەكتى ايقاسىن وتكىزىپ، يندونەزيالىق قارسىلاسى يكال توبيدانى (13-23-1, 8ك و) 3 - راۋندتا تەحنيكالىق نوكاۋتپەن تىزە بۇكتىردى.

ەسكە سالا كەتسەك، 15 - جەلتوقسان كۇنى ەلشات نىعماتوللا ۇلى 12  ءىنشى جەكپە- جەگىندە يندونەزيالىق بوكسشى ريكي مانۋفوەنى (27-32-3, 10كو) 4- راۋندتىڭ سوڭعى مينۋتىندا نوكاۋتقا جىبەرگەن بولاتىن.

ايتا كەتەيىك، ەلشات قازاقستاندىق بوكسشى قانات يسلامنىڭ (25-0, 20ك و) جەرلەسى.

 

اۆتور: مۇحتار قاليموللا ۇلى