جەكسەنبىدە قازاقستاننىڭ باسىم بولىگىندە كۇن اشىق بولادى

استانا. قازاقپارات - 7- قاڭتاردا جەكسەنبى كۇنى قازاقستاننىڭ باسىم بولىگىندە جاۋىن-شاشىنسىز اۋا رايى كۇتىلەدى، تەك رەسپۋبليكانىڭ باتىس، سولتۇستىك-باتىسىندا اتموسفەرالىق اعىنداردىڭ وتۋىنە بايلانىستى قار جاۋادى.

كەي جەرلەردە كوكتايعاق، تۇمان، جەلدىڭ كۇشەيۋى كۇتىلەدى، دەپ حابارلايدى قازگيدرومەت.

اتىراۋ، ماڭعىستاۋ، باتىس قازاقستان وبلىستارىنىڭ كەي جەرلەرىندە تۇمان، كوكتايعاق بولادى، كۇندىز باتىس قازاقستان وبلىسىندا جەلدىڭ 15-20 م/س كۇشەيۋى كۇتىلەدى.

اقمولا، قوستاناي، اقتوبە، سولتۇستىك قازاقستان، شىعىس قازاقستان، وڭتۇستىك قازاقستان وبلىستارىنىڭ كەي جەرلەرىندە تۇمان كۇتىلەدى.

جامبىل،  قىزىلوردا وبلىستارىنىڭ كەي جەرلەرىندە تۇمان، جەلدىڭ 15-20 م/س كۇشەيۋى كۇتىلەدى.

الماتى وبلىسىنىڭ جەكەلەگەن اۋدانىندا جەل 15-20 م/س كۇشەيىپ، ەكپىنى 23-28 م/س بولادى، تۇندە كەي جەرلەرىندە تۇمان باقىلانادى.