الاياق بيزنەسمەننەن اتىلاتىن قارۋ- قالام تاركىلەندى

 استانا. قازاقپارات - الاياقتىق ارەكەتتەرى ءۇشىن تەرگەۋگە الىنعان برەست قالاسىندا تۇراتىن بيزنەسمەننەن قارۋ- قالام تاركىلەندى، دەپ حابارلايدى بەلتا.

ءتارتىپ ساقشىلارى ونىڭ ۇيىنەن سىرت كەلبەتى كادىمگى اۆتو قالامعا ۇقسايتىن، ءبىراق اتىس قارۋى رەتىندە قولدان قۇرالعان كونسترۋكتسيانى تاپتى. «بالليستيكالىق ساراپتاما كورسەتكەندەي، اتالمىش قۇرىلعى زاۋىتتاعى اسپاپتاردىڭ كومەگىمەن جاسالىپ، 5,6 ميلليمەترلىك شەڭبەرلىك جانۋ وقتارىمەن اتىلاتىنى بەلگىلى بولدى. شاعىن قارۋ ءبىر رەت وقتالاتىن، تەگىس ۇڭعىلى وتقارۋ رەتىندە تاركىلەندى» ، دەپ حابارلايدى بالليستيكالىق ساراپتاما ماماندارى.

تەرگەۋ ناتيجەسى كورسەتكەندەي، برەست تۇرعىنى 2013-2015 -جىلدار ارالىعىندا تانىستارىن الداپ 40 مىڭ دوللار جانە Br317 ميلليون (نومينالدانباعان) اقشاسىن الىپ كەتكەن. 2015 -جىلى ول جەرگىلىكتى قۇقىق قورعاۋ ورىندارىنا «بەنتلي كونتينەنتالپ كولىگىن بەلگىسىز بىرەۋ ءبۇلدىرىپ كەتتى دەپ شاعىم تۇسىرگەن. ارتىنان انىقتالعانداي، ءوز كولىگىن ءوزى بۇلدىرگەن الاياق «بەلگوسستراحپ ساقتاندىرۋ كومپانياسىنان Br492 ميلليون (نومينالدانباعان) ءوندىرىپ العان. قىلمىسكەردىڭ ۇستىنەن «الاياقتىق» بابى بويىنشا قىلمىستىق ءىس قوزعالدى.