الەمدەگى ەڭ ۇزدىك ديەتا بەلگىلى بولدى

استانا. قازاقپارات - امەريكالىق جۇرەك، وكپە جانە قان ۇلتتىق ينستيتۋتى سەگىزىنشى رەت الەمدەگى ەڭ ۇزدىك ديەتانى انىقتادى.

بۇل تۋرالى ينستيتۋت سايتىندا حابارلادى.

عالىمداردىڭ ايتۋىنشا، DASH ديەتاسى اعزانىڭ ساۋىعىپ، قان قىسىمىنىڭ تۇراقتالۋىنا جانە اسقازان- ىشەك جولدارىنىڭ تازارۋىنا ىقپال ەتەدى.

بۇل ديەتانىڭ باستى تالاپتارىنىڭ ءبىرى - قۇرامىندا تۇزى بار ازىق- تۇلىكتەن شاما-شارقىنشا نەمەسە تولىقتاي باس تارتۋ جانە ناتريگە باي تاماقتى جەمەۋ.

عالىمدار DASH ديەتاسى 40 ديەتالىق تاعامنىڭ ىشىندەگى ۇزدىگى دەگەن قورىتىندىعا كەلدى. دارىگەرلەردىڭ ايتۋىنشا، بۇل ديەتا ءبىرقاتار جاعدايدا گيپەرتونياعا قارسى ءدارى-دارمەكتەن باس تارتۋعا دا مۇمكىندىك بەرەدى.

بۇعان دەيىن شوتلاندياداعى ابەردين ۋنيۆەرسيتەتىنىڭ زەرتتەۋشىلەرى كالورياسى تومەن ديەتالاردىڭ ادام ءومىرىن ۇزارتاتىنىن انىقتاعان ەدى. مۇنداي تاعام تولىق ادامداردىڭ ەرتە ءولىمىنىڭ قاۋپىن 18 پايىزعا تومەندەتەدى، دەيدى عالىمدار.