قازاقستاندا الداعى دەمالىس كۇندەرىنەن سوڭ كۇن جىلىنادى

استانا. قازاقپارات - قازاقستان سينوپتيكتەرى كەلەسى اپتانىڭ باسىنا قاراي ەل اۋماعىنىڭ باسىم بولىگىندە كۇن جىلىناتىنىن بولجاپ وتىر، دەپ حابارلايدى «قازاقپارات» ح ا ا «قازگيدرومەت» ر م ك- گە سىلتەمە جاساپ.

«جىلى ءارى ىلعالدى اتلانتيكالىق اۋا اعىنى الدىمەن قازاقستاننىڭ باتىس، ال دۇيسەنبىگە قاراي سولتۇستىك، ورتالىق جانە وڭتۇستىك وڭىرلەرىنە قاراي اۋىسادى. وسىعان بايلانىستى اۋا تەمپەراتۋراسى كوتەرىلىپ، جاۋىن-شاشىن بولۋى مۇمكىن»، - دەلىنگەن حابارلامادا.

دەمالىس كۇندەرى ءسىبىر انتيتسيكلونىنىڭ تارامدارى قازاقستاننىڭ كوپتەگەن وبلىسىندا سۋىق ءارى جاۋىن-شاشىنسىز اۋا رايىن ساقتاپ تۇرادى. اۋا تەمپەراتۋراسى كليماتتىق نورمادان 3-5 گرادۋسقا، ال رەسپۋبليكانىڭ شىعىسىندا 7-13 گرادۋسقا دەيىن تومەن بولادى.