شىمكەنت پەن تاشكەنت اراسىنا كۇن سايىن اۆتوبۋس قاتىنايتىن بولدى
اتالعان باعىت بويىنشا قالاارالىق جايلى اۆتوبۋستار ساعات سايىن كۇندەلىكتى تاڭعى 6 دان 20:00 گە دەيىن جۇرەدى. اۆتوبۋس دىتتەگەن جەرگە 4 ساعاتتا جەتەدى.
اۆتوبۋس پەن ونداعى جولاۋشىلار جانە قول جۇكتەرى كەدەندىك تەكسەرۋ مەن شەكارالىق باقىلاۋدان كەزەكسىز وتكىزىلەدى.
قازاقستان جاعىنان KazNetworkBus ج ش س، ال وزبەكستان جاعىنان ManzaraTourism ج ش ق تاسىمالداۋشىلار بولىپ بەلگىلەنگەن.
سونداي-اق، 2018-جىلى ەكى ەلدىڭ باسقا دا ءىرى قالالارى اراسىندا كەزەڭ-كەزەڭمەن تۇراقتى اۆتوبۋس قاتىناسى ىسكە قوسىلادى دەپ جوسپارلانۋدا.
ايتا كەتۋ كەرەك، سوڭعى 17 جىلدا قازاقستان مەن وزبەكستان اراسىندا جولاۋشىلاردى تاسىمالدايتىن اۆتوبۋس قاتىناعان جوق.
ەسكە سالساق، شىمكەنت-تاشكەنت باعدارى بويىنشا تۇراقتى حالىقارالىق اۆتوكولىك تاسىمالىن جاساۋ رۇقساتى 2017-جىلدىڭ 26- جەلتوقسانىندا بەرىلدى.
