09:36, 05 - قاڭتار 2018 | GMT +5
قازاقستاندا بوسانعاندا تولەنەتىن ءبىر رەتتىك مەملەكەتتىك جاردەماقى قانشا؟
استانا. قازاقپارات - بوسانعاندا تولەنەتىن ءبىر رەتتىك جاردەماقى دەكرەتتىك دەمالىسقا دەيىن جۇمىس ىستەگەن، ىستەمەگەنىنە قاراماستان بارلىق بوسانعان انالارعا تاعايىندالادى، دەپ جازادى altaynews.
بۇل جاردەماقى مەملەكەتتىك بيۋدجەتتەن تولەنەدى. 2018-جىلدىڭ 1- قاڭتارىنان باستاپ ول ايلىق ەسەپتىك كورسەتكىش مولشەرىنىڭ ارتۋىنا بايلانىستى التى پايىزعا وسەتىن بولادى.
«ۆەدومستۆوارالىق الەۋمەتتىك تولەمدەردى ەسەپتەۋ ورتالىعى» دەپارتامەنتى ماماندارىنىڭ مالىمەتىنە سۇيەنسەك، اتالمىش جاردەماقىنىڭ مولشەرى ءبىرىنشى، ەكىنشى، ءۇشىنشى بالاعا 38-ايلىق ەسەپتىك كورسەتكىشتى قۇرايدى. ياعني، 2018-جىلعى مولشەرى - 91390 تەڭگە. ءتورتىنشى جانە ودان كەيىنگى بالالارعا 63-ايلىق ەسەپتىك كورسەتكىش، بۇل دەگەنىمىز 151515 تەڭگە. دۇنيەگە ەگىز نەمەسە ۇشەم كەلسە، جاردەماقى ءار بالاعا تولەنەدى.
