04:03, 05 - قاڭتار 2018 | GMT +5
ويران سالعان الاپات داۋىل پويىزدى قۇلاتتى
استانا. قازاقپارات- شۆەيتساريادا «بۋرگليند» داۋىلى ويران سالىپ جاتىر. جەلدىڭ كۇشتىلىگى سونشا شويىن جولدا تۇرعان پويىزدى قۇلاتقان. سالدارىنان 16 ادام جاراقات الدى.
سوڭعى مالىمەتتەرگە قاراعاندا، جەلدىڭ ەكپىنى ساعاتىنا 200 شاقىرىمعا جەتەدى. ايماقتا مۇنداي داۋىل 1981 -جىلدان بەرى العاش رەت تىركەلدى. تابيعاتتىڭ توسىن مىنەزىنە بايلانىستى سيۋريح جانە جەنيەۆاداعى بىرنەشە اۋە رەيسى كەيىنگە شەگەرىلدى. قالا ارالىق پويىزدار توقتاپ تۇر. دۇلەي داۋىل اعاشتاردى تامىرىمەن قوسا قوپارىپ، ەلەكتر باعاندارىن قۇلاتقان. 100 مىڭنان استام ءۇي جارىقسىز قالدى.
ال كارى قۇرلىقتا «ەلەانور» داۋىلى ەلدى اۋرەگە سالدى. BBC اگەنتتىگىنىڭ حابارلاۋىنشا، جەلدىڭ كەسىرىنەن الپى تاۋىنىڭ فرانسياعا تيەسىلى بولىگىندە ءبىر ادام قازا تاپقان. سونىمەن قاتار يسپانيا جاعالاۋىندا پايدا بولعان الىپ تولقىندار ەكى ادامنىڭ ءومىرىن قيدى.
www.24.kz
