شەتەلدىكتەرگە بولەك كۋرورت اشىپ بەرەدى
ۆيزا بەرۋدەن باستاپ، باسقاسىنا دەيىن. دەسە دە ساۋديا حانزاداسى سۇلتان بين سالمان بين ءابدىازىز ۆيزانى كىمدەر اشتىرۋعا قۇقىلى بولاتىنىن جانە ونى اشتىرۋ جولدارىن انىقتاۋ ماسەلەسى قالعانىن مالىمدەگەن بولاتىن.
ەلدەگى تۋريزم سالاسى - يگەرىلمەگەن تىڭ سالا. ينتەگراتسيالانۋ، جاھاندانۋ زامانىندا تۋريزمنىڭ ايى وڭىنان تۋىپ تۇر. ەڭ باستىسى، تۋريزمدى تابىستىڭ كوزىنە اينالدىرعان ەلدەردىڭ قاتارىنان كورىنگىسى كەلگەن ساۋديالىقتار تىڭ جوبالاردى قولعا الماقشى.
سونىڭ ىشىندە، شەتەلدىكتەرگە ارنايى كۋرورت اشىپ بەرۋ. بۇل، ءبىر جاعىنان، شاريعات تالاپتارى قاتاڭ ساقتالاتىن ەلدە نانىم-سەنىمى وزگە شەتەلدىكتەرگە دە قولايلى جاعداي بولماق. بىلايشا ايتقاندا، اربانى دا سىندىرماي، وگىزدى دە ولتىرمەي، ەكى ورتادان جول تابۋدىڭ امالى دەسە بولادى.
كۇنكورىس كوزى تەك شيكىزاتقا، دالىرەگى، مۇنايعا تۇتاستاي تاۋەلدى ەلدىڭ ەكونوميكانى ديۆەرسيفيكاتسيالاۋداعى العاشقى قادامى دەپ باعالاۋعا بولادى. تۋريزم سالاسىنا كوڭىل بولگەنىن. ناقتىراق ايتقاندا، تۋريزم سالاسىن دامىتۋ ءۇشىن قىزىل تەڭىزدەگى 50 ارالدى كۋرورتقا اينالدىرۋ تۋراسىنداعى امبيتسيالىق ماقساتىن جاريا ەتكەن ەلدە بۇرىن تۋريستىك ۆيزا اشتىرۋ تەك ساناۋلى ەلدەرگە عانا رۇقسات ەتىلگەن بولاتىن.
ونىڭ وزىندە دە ءبىرقاتار شەكتەۋلەر مەن تالاپتار بار بولاتىن.
ماسەلەن، تىركەۋدەن وتكەن كومپانيا ارقىلى ەلگە كەلۋگە جانە توقتايتىن قوناق ءۇيى اتاپ كورسەتىلگەندە عانا رۇقسات بەرىلەتىن ەدى. بۇعان قوسا، اتالعان ەل اۋماعىنا تەك ىسكەرلىك ماقساتتا كەلەتىن بيزنەسمەندەرگە، قاجىلىعىن وتەۋگە كەلەتىن مۇسىلماندارعا، سونداي-اق، وسى ەلدە تۇراتىن تۋىستارىن كورگىسى كەلەتىن شەتەلدىكتەرگە عانا ۆيزا اشاتىن.
بۇل رەتتە جاسى 30 عا تولماعان شەتەلدىك ايەلدەردىڭ جانىندا قامقورشىسى (ەرى، اعاسى، ت. ب. ) ەرىپ ءجۇرۋى ءتيىس-تۇعىن.
