16:27, 02 - قاڭتار 2018 | GMT +5
ۇلى بريتانيا پلاستيك قوقىسىنىڭ استىندا قالۋى مۇمكىن
استانا. قازاقپارات - قىتاي ۇلى بريتانيانىڭ قايتا وڭدەۋ ءۇشىن جىل سايىن جىبەرەتىن 500 مىڭ توننا پلاستيك قوقىسىن قابىلداۋدى توقتاتتى، دەپ حابارلايدى «قازاقپارات» ح ا ا بي-بي-سي- گە سىلتەمە جاساپ.
بريتانيا قوقىستاردى قايتا وڭدەۋ قاۋىمداستىعى وكىلدەرىنىڭ ايتۋىنشا، قازىرگى كەزدە بيلىكتىڭ بۇل تۇيتكىلدى رەتتەۋگە شاماسى جەتپەيدى. «بۇل بىزگە بەرىلگەن اۋىر سوققى بولدى. كوپ ۋاقىت بويى قىتايعا يەك ارتىپ كەلدىك، ولار ءبىز شىعاراتىن قاعاز قوقىستاردىڭ 55 پايىزىن، پلاستيكتىڭ 25 پايىزىن وڭدەيتىن ەدى»، - دەيدى قاۋىمداستىقتىڭ اتقارۋشى ديرەكتورى سايمون ەللين.
2018 -جىلعى قاڭتاردان باستاپ قىتاي ەل ەكونوميكاسىن جاڭعىرتۋ باعدارلاماسى اياسىندا شەتەلدەن قوقىس اكەلۋگە تىيىم سالعان بولاتىن.
